AMOSA 8
8
Inlârnaa thei koka om a hmu thu
1 Rengpa Pathian khan inlârna a nir hmutir nôka, kholum thei kok ki hmua. 2Khan, ama’n, “Amosa, imo ni ihmu?” a tia.
Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia. 3Rengpa Pathian thu suak khan, “Kha nikhuaa khan biak in hlahai kha lusûn hlaa chang a ta; mithi ruak tam a ta, hmun tina dâihrekin pai suak an ti,” a tia.
Israelhai chunga thil saloi tung hrang thu
4Hi hi irngaitua roi, O! mi’rsamhai fâk zoi nuama, ram mi’nriang inboi nuamhaio. 5Bu kin zuar theina hrangin tha thar kha itika mo a ihek hranga, baidi bu ei zuar theina hrangin irngam nî kha itika mo a ihek hrang, titu; epha inchîntir kin ta, sekel inriktira, dikloi taka huangna irtêna hmanga; 6tangkaruaa mi’nriang irchôka, mi’rsamhai kha kekok bun khata irchôka, bu’rsi hâl irhmang theina hrangin, tituhaio. 7Rengpa khan, Jakoba roiinpuina sâlin khomâk a’rsâma, irlêkloiin an sintho rêng rêng irnghil viat no ning, tiin. 8Hi mi sika hin ram kha an thingin a sûnga om murdihai kha an char a idong hrang mo ni ma? A ni, vadung ang khan hong lian zit a ta; Aigupta ram vadung angin a hong buaiin hong kang a ti. 9Khan, Rengpa pathian thu suak khan, kha nikhua khan, hiang hin hong ni a ta, sûn laia misa intâktir ki ta, misa lum lai khan irnêng kha inthimtir ki ti. 10Nin kût nikhuahai kha chardongnaa le nin hlahai murdi kha chapnaa inchangtir ki ti; nin kong murdi kha bora puan diar inkaitir ki ta, lu sîp tina khan inkolna#8.10: Lusûn ti inhriatna’n an lu an ep inkol ngai. hong intungtir ki ta; mi’n a nâipa neisun a isûn angin om nin ti. Kha nikhua kha chu a mong dênin dengtheina, intakna nikhua ni a ti.
11 Rengpa Pathian thusuak khan, irngai u ta, nikhuahai kha a zuang itung thiai a ni. Kha nikhuahaia khan rama khan châm zuang tîr ki ta, bua châmna ni loiin, tuia châmna ni loiin, Rengpa thu inhriatnaa châmna kha. 12Rengpa thu kha irzukin nisua le nitâk, sim le hmâra irfang an ta, hmu ual hliak no ni hai. 13Kha nikhuaa khan dôngmate le ruathartehai satlaihai ten khom kha dangchârin chinginrîl an ti. 14Pathian irlim sâla khomâksâma, ‘O Dan, ni Pathian a hring angin,’ le Beerseba fena lampui a ihring mai angin, tihai kha, khaang mihai khom kha chu irtet an ti, thoi nôk viat no nihai, tiin.
Currently Selected:
AMOSA 8: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
