2 RÊNGHAI 22

Judahai rêng Josia

(2 Tsn 34.1-2)

1 # Jer 3.6 Josia chu kum riat a ni kumin Judahai rêng a changa. A nu chu Boskat khuaa mi Adaii nâinu Jedidi a ni. 2Josia chu Rengpa nuam lamin a oma, a pu Davida omdân a lâka, Pathian dânhai kuluktakin a zôm irkiptir a ni.

Dan Lekhabu hmu suakna

(2 Tsn 34.8-28)

3Kum sômhleiriatna an lal kumin Josia’n a’rziakpuipu Safana, Azalia nâipa, Mesulam tupa Rengpa tempila a tîra. 4“Ochai inlaltak Hilkia kuang fe’n lân, tempil mikot bula mipuihai tholôm ochaihai irfuang kha i dôr mo a ni ta tiin var donhai roh. 5Tempil siam insatna hranga mi an inthanghai kuta pehai sian, anni haiin, 6mistiri hai le, in sintu dang le lungtukhai kuanga pe ri sehai; tempil siam insatna hranga thing le lung ircho ri sehai. 7#2 Rng 12.15 Hi mi ei inthanghai hi mi iamom tak tak an ni, ite enpui ual nang no nihai,” a tia.

8Ochai inlaltak Hilkia’n a’rziakpuipu Safana kuang, “Tempil sûnga dân lekhabu ki man,” a tia. a pêka, Safana’n a tep inlanga, 9Reng kuang a hong kîr nôka, “Ni siahlohaiin in sûnga tangka an iman kha an phora, Rengpa tempil siam insatna hranga mi an inthanghai kuta an pêkhai ta,” a tia. 10Reng kuang khan, “Ochai Hilkia khan hi lekhabu hi a ni lei ipêk a ni,” a tia. Reng inhriat hrangin Safana’n a tep pea. 11Rengin dân lekhabu thu kha an hriatin chu a puan an potthêra. 12Ochai Hilkia Safana nâipa Ahikama, Mikaia nâipa Akbora, irziaktu Safana rêng in enkoltu Asaia hai makunga rêngin, 13“Fe unglân mipuihai le Judai rama mi murdihai hranga hi dân bu irchutirna chungchânga hin Rengpa ni var don pe roi. Kin puhaiin chu hi dân bua irziakhai hi ite bêin bê ngai mahaia, tho hrang tihai hi tho nuam ngai mahai sikin, Rengpa chu a ning an mur a ni,” a tia.

14Ochai Hilkia, Ahikama, Akhora, Safana le Asaia hai chu deipunu, Mika nâipa Saluma dôngma Huldaii kuang an fea. A pasal Saluma hi Tikva nâipa a ni, rêng silkai enkoltu a nia, Harhasa tupa a ni, Jerusalem kho thara om an ni. 15An kuanga khan, “Israelhai Pathian Rengpa’n hiang hin a ti, nangni hong tîrhai chu hrilhai roi, 16Juda rêngin a itep lekhabua chuang ang khan Jerusalema omhai chu a sate’n soisakhai ki ti. 17An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti. 18Rengpa irdon hranga nangni zuang tîrtu rêng kuang khan hril roi, Israelhai Pathian Rengpa’n lekhabua thu chuanghai chu ni’rngaiirsânga, 19Jerusalem le a vêla omhai ki soisak dân hrang nin hriata, a na ni iti a ni, Rengpa makunga nir hnuaia, puan inpotthêrin ni chapa. En irkhêltak le vânnisal irkhêltak tong hrangin khopui chu soisak ni a ti; khannisian, ni chongchaina chu kin hriata. 20Ni thi mâka chu Jerusalem chu soisak no ning, irtharngam takin nang chu la thi ni tih a ti,” a tia. Reng kuanga kha thu kha an hong hril nôk a ni.

Currently Selected:

2 RÊNGHAI 22: HRACLBSI

Highlight

Copy

Compare