2 THURCHI SUINA 34
34
Juda rêng Josia
(2 Rng 22.1-2)
1 #
Jer 3.6
Josia chu kum riat mi a niin Judai rama rêng a chang irphuta, kum sômthum inkhat Jerusalema an lala. 2Rengpa nuamlam a thoa, ar chibul Davida omdân angin a oma. Pathian dân chu kuluk takin a zôma.
Nam dang pathian biak a doi
3Josia kha kum riat an lal zoiin chu, la nâiinpangte khomsian, a’rchibul Davida Pathian chu a biak zôi tâka; kum minli zoia len vâng chu nam dang pathian biakna hmun irsânghai, Aseri irlimhai le a millim danghai chu an siat vinga. 4#2 Rng 21.3; 2 Tsn 33.3 Ama thuin a rualhaiin Baal biakna maichâmhai chu an insiata, a kôla mirimhoi hâlna maichâmhai khom an insiata; Aseri irlimhai le a millim danghai chu an insiata, ama biaktuhai thâna an phûma. 5#1 Rng 13.2 Nam dang ochaihai ruhai chu an pathian biakna maichâma khan an hâla. Khanchu Judai ram le Jerusalem khua chu an thâr irthiang tâka. 6Khaangin Manasea hai, Efraima hai le Simeona ram, hmâr tiang Naftalia ram dênin an khopui mi le an rama mihai chu a thâr irthianga. 7Israel hmâr tiang bial sûnga maichâmhai le Aseri irlim an siata, millimhai chu a sunkhoia, mirimhoi hâlna maichâmhai khom an siat vinga, Jerusalema a kîr nôk tâka.
Dan bu an hmusuak
(2 Rng 22.3-20)
8Nam dang pathian biakna an hektira, ram le tempil a’rthiangtir zoi kum sômhleiriat an lal kumin Josia’n tempil sûng sin insa hrangin mi inthum, Azalia nâipa Safana hai, Jerusalem khua optu Maaseia hai, Joahaza nâipa hruaitu inlaltak Joa hai a tîra. 9Levi irchi, lampui hrungtuhaiin tempila sum hmang hrang an irfuang kha, ochai inlaltak Hilkia kuang an irhlana. (Efraima mihai, Manasea mihai le Israel hmâr ram tianga mihai kôl ata le Judai ram mihai, Benjamina ramhai le Jerusalema mihai kuang an irfuang ngai a ni.) 10Hi tangka hi, hi mi inthumhai kuta hin an pêka, anni’n chu 11mistirihai le in sintuhai kuang lung le thing irchôkna thil lei siat tâkhai, Juda rênghai lei ingaisak loi, bangrua hai, tângkhang hai siam insatna hrangin an pêka. 12Sinthotuhaiin kuluk takin sin an thoa, Levi irchia mi minli, Meraria irchia Jehata le Obadia hai, Kohata irchia Zekaria le Mesulama haiin an hruaia. Hi Levi irchihai hi thil tum thei mi inzen an ni. 13Khan, puakrik pêltuhai enkoltuhai khom an ni saa, sinthôna sin chu lam i anga khom an enkol maia; khan, Levi mihai chu ziaktuhai, hruai tuhai le mikot vêngtuhai an oma.
14Sum sia khômna ata tangka an lâkin chu Rengpa dân bu, Mosia kuanga Pathian ipêk kha, Hilkia’n a hmua. 15Safana kuang, “Hi tempil sûnga hin dân bu ki mana,” a tia, a pêka. 16Safana khan rêng kuang a fepuia, “Ni ihrilhai chu kin tho zoi ta. 17Tempila hrê insa tangka chu kin lâka sinthotuhai le a enkoltuhai hlo hrangin kin pêka. 18Hi, Hilkia ni ipêk, lekhabu ki hong chôi,” a tia. Reng inhriat hrangin a tep tâka.
19Dân bu an itep kha rêngin a hor ngaiin chu a puan an pot thêra, 20Hilkia hai, Safana nâipa Ahikama hai, Mika nâipa Abdona hai, lekha irziaktu Safana hai, rêng enkoltu Asaia hai chu a koihaia. 21Hi dân bu chungchâng thua ki isanhai, Israel le Judai rama la dam sunhai hrangin, Rengpa kha ni var don pe hi roi, kin irchibulhaiin Rengpa thu zôm nuam mahaia. Hi lekhabua tho hranga a itihai hi an tho no sikin, kin chunga Rengpa ning a inmur a ni, tiin a tîra. 22Hilkia le rêngin mi a itîr danghai chu Tokhata nâipa Saluma dôngma deipu Huldaii kuang an fea, Tokhata hi Hasra nâipa a ni, Saluma hi tempila ochai tukfam enkoltu Jerusalem kho thara om a ni. Thil omdân a hrila. 23Reng kuang a tîr nôka, 24Rengpa thu chu hiang hin an hriattira: “Reng inhriatin an tepsuaka, lekhabu irzuata khosâlnahai kha Jerusalem le a sûnga omhai chunga intungtir ki ti. 25Anni hnôla, pathian dang kuang thilinhlanhai an inhlana, an sintho’n ki ning an inmurtir a ni. Jerusalem chunga ki ning an mur tak taka, dâi thei lik no ni. 26Reng chungchâng rêk kha chu, keima Rengpa, Israelhai Pathian hin hiang hin ki iti a ni. Lekhabua thu irziak chu ni’rngai tâka, 27ni’rleta, ni’rhnuai tâka. Jerusalem le a sûnga mi hrem ki ti, ki ti lai khan poi ti takin ni puan ni ir-ekthêra, ni chapa. 28Jerusalem chu ni thi zoi le vai hrem ta ki ti, irtharngam takin nan thitir ki ti,” tiin. Kha thu chôiin mihai chu rêng kuang an hong kîr nôka.
Josia thu zôm hrangin Josia chonginkung
(2 Rng 23.1-20)
29Reng Josia chu Judai ram le Jerusalema ulianhai chu a koibukhaia. 30Ochaihai le Levi irchihai chu tempila an fea, mi irchong le inrianghaiin an zuihaia. Rengin tempil sûnga thuthung bu an ihrût kha mipuihai makunga an tepa. 31Reng ngîrna hranga inkung chopui kôla khan a ngîra, Rengpa kuang thu a thunga, a thu a zôma, lungrîla a diktakin a dânhai le a thupêkhai chu zôm hrangin chong an kunga, lekhabua thu chuang murdi zôm hrangin an kunga. 32Benjamina-hai le Jerusalema om murdi chu thuthung vong hrangin chong an kungtirhaia. An puhai Pathian le thuthung lei sin sai tho hrang omhai chu Jerusalema mihaiin an thoa. 33Reng Josia chu Israel mihai ram sûnga millim intirom tak tak chu an siat vinga, a dam sûng chu kha mihai kha an irchibulhai Pathian Rengpa sin an thotirhai ta. A dam sûng murdia chu an irchihai Pathian Rengpa zuinaa irthok khan pêtirhmang mahai.
Currently Selected:
2 THURCHI SUINA 34: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
