1 THESSALONIKA 4

Madai khe khaja riyaba hayu

1Yaohonthao ha, daphlungrao, bo jamthao khali de, nisi ni dongthai jang Madai khe nisi ni khaja rithai khe, jini phrang nisi sling kha bani (duha nisi dongba lai ning) ar slingba khe bol sengdao mani khlai hi nisi khe khainsu hi jing sibring du. 2Gabra Jisu ni gede ni phrang ja hi snadi grao buthu khe jing nisi ne so ri ba, bokhe nisi tharmai la du. 3Madai ni nangjaothai nisi khe gathar jama nangjaoyaba ebo se; nisi gaori ni phrang go hi dong lah. 4Nisi ni bising ha khrip subung gathar ja hi ode man jang jar ni bihih khe yaowai lah. 5Madai khe mithiyayaba Jentailrao lai, saomang ni mijingma ha da galai lah. 6Ebo ni balam hade saosi bo gajai jang jar ni daphlung ni basao ha gajai khusi da dang thing, bede thikhade Gabra de olei khusi dangyarao khrip khe baslai layaba se bani, jingbo ebo grao khe sainthi da hi nisi khe jing khna ri da kha. 7Madai de gathar jaya mani khlai hi bo jing khe longya, gathar jama ni khlai hi se bo jing khe long la ba. 8Odebani, sere ebo jinis khe bera khlaiyayaba de subung khe bo bera khlaiyaba niya, Madai, Bese Gathar nisi ne riyaba khe se bo bera khlaiyaba se.

9Duha de daphlungrao, nisi ni hamjaoma ni balam hade, asaba rebyaba khebo nisi gainsongya, nisi jar jang jar hamjao lai la mani khlai hi nisi jar ning Madai ni phrang sling kha. 10Makedonia raji ni khrip daphlungrao ni basao ha bokhe nisi dang du. Thikhabo, daphlungrao ebo tha dangdao mani khlai hi nisi khe jing khainsu du. 11Nisi khe jing saniba lai ning, phirik phirik dong hi, jar jar ni khusi khe kha ri hi, jar jar ni yao jang ning khusi dangdao lah. 12Odese, baji gede ni subung buthu ni muh ha majang sisi nisi dongphu nang, ode musibo baojo nang niya kha.

Gabra Jisu phaiphin mani grao

13Daphlungrao, malai saosi khe bo asa maiya hi dongyarao lai nisi khah waimu nangya mani khlai hi thuyarao ni balam ha nisi tharmaiya hi thao mane ang nangjaoya. 14Jisu de thih hi, baijaphin kha thi hi jing lon khade, olei jasosi ning, Jisu ha thuyarao de, Jisu ni gede jahi, Madai ning bo jang baosi lang lama se.

15Ebo khe Gabra ni grao jang nisi khe ang thi du, jini Gabra phaiphinba sosi thang hi dongyaraobo, thuhi dongyarao khe jing lailang nang niya. 16Gabra ning bo grao riyaba khurang jang, ode sorgo ni degla dedao thaoyaba ni khurang jang ode, Madai ni kharam muri jang sorgo ni phrang bo akhai bu nang, ode Krista ha thih hi dongyarao boha sagang baija da ma. 17Boni yaohon ha se, jing thang hi dongyarao jimi ha Gabra khe lamjao mani khlai hi, bonsi jang baosi jimi ha langjao hi jing dong ma, odese Gabra niha jing thaoglao jang dong hi ma. 18Odebani, ebo grao buthu jang shanti ri lai lah.

Currently Selected:

1 THESSALONIKA 4: DIMASBSI

Highlight

Copy