1 KORINTH 8
8
Saokhuli niha bandai riyaba ni grao
1Saokhuli niha bandai riyaba buthu ni grao de:
Jing khrip bo mithi lai du thihi jing tharmai du. Olei tharmaiyaba de subung khe sangga ri re, thikhabo hamjaoma khasaoma de subung khe hamba khlai re. 2Sere jar khe bujidao lai bonsi bao kha de, bo bujima nangba lai bo bujiyayaba se; 3Thikhabo, subung asaba bo Madai khe hamjao kha de, Madaibo bokhe basao mithi ma se.
4Odebani, saokhuli niha bandai rihi jinis yaophayaba buthu khe ji bani grao de: Saokhuli de musibo niya, odehe Madai saosi khe garhi de gibin saosi bo giri thihi jing tharmai du. 5Nokhasao ha ja thing, phirthi habo ja thing, Madai baoyaba gabang dong la phu re, olei ning Madai gabang odehe gabra gabang dongbabo dong, 6thikhabo, jinthane khlai hi de Madai masi se ning bo Bupha se, jinis jamthar si bo ni phrang se dongphai ba. Jingbo boni khlai hi se jing dongphai ba; odehe, Gabra masi, Jisu Kristabo dong. Khrip jinis boni khlai hi se sangsai ba, jingbo boni khlai hi se dong ba.
7Thikhabo, bo tharmai ma khe khrip subung de tharmai blaiya. Duha sosi bo subung gejesi de saokhuli khe biyaba se bani, bonsi jinis jiyaba khe saokhuli niha bandai lai bao hi bonsi ji re; bonsi hamba hamya tharmaiyaba raoya bani, bonsi gusu ja re. 8Jibani Madai ni muh ha so daoya. Jing jiya khabo hamya jadaoya, jing ji khabo hamba jadaoya.
9Thikhabo, girik lah, bo sadin de subung raoyayarao ni khlai hi galaiyaba jajao nang. 10Ning bo tharmaiyaba khe maiyaba ning, saokhuli ni bikhoh ha ning makham jiba ha, hamba hamya mithiyayaba ning khe nu kha de, saokhuli niha jinis yaophayaba buthu khe bo ji rao nang niya na somo? 11Olei jakha de, daphlung, subung raoyayaba, bonthane khlai hi Krista thiyaba khe, ning mithiyaba ning hamya khlaiyaba ning ja nang niya na? 12Olei nisi ni daphlungrao ni basao ha gajai khusi dang hi, bonsi hamba hamya bujima raoyaba ha nisi buma phnang kha de, Krista ni basao ha se nisi phap khusi dang ba. 13Odebani, jinis jiyaba jang ani daphlung khe bo galai ri kha de, ani daphlung khe ang galai riya mani khlai hi asaba mogong khe ang jiya kha.
Currently Selected:
1 KORINTH 8: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
