Popular Bible Verses from Hebre 4

Share

Hkâsu mù gâ le, Garai Gasâng é mungdang gi, rû dui nyi é eq a-tsam bo é nghut lhê. Haû gi, shámsó í shut dàp é shâm htoq má je htoq é nghut mù, myìt nhiklhum eq sô lé le, wuimyoq pé eq wuinyún lé le, wó gam hkoq hkyang ròt é nghut lhê; haû gi, ngá-nhúng myìt é hkyô pé eq myìt sôn é hkyô pé lé wó jéyáng é nghut lhê.

Haû mù luî, ngá-nhúng gi, shogyo nhikmyîn é hkyô wó yû râ eq, ngá-nhúng râ tô é u má ngá-nhúng lé wó garúm râ jeju lé myang hô sháng gàq, hkyak lum é myìt mai Garaî jeju tánghkuq shut chyâng htèp ê sháng.

Hkâsu mù gâ le, ngá-nhúng gi, ngá-nhúng wum nyhôm é hkyô pé lé a sê gyo byî é hkyangjong mó wó é a nghut é za, ngá-nhúng su hkyô hkangmó má gúnglaú é huî wú kôlhang mara a bo é sû hkyangjong mó lé shèq wó é ru nghut lhê.

Hpan tô é lhúnglháng gi, Garai Gasâng é hí mai wó haq pyâm é haî le a jòq é nghut lhê. Jung hkangmó gi, ngá-nhúng, jihpán shit ra râ Su é myòq hí má a wó nghop tô é hkyô, de de dùt é nghut lhê.

Haû mù luî, ngá-nhúng gi, Garai Gasâng é Yhangzo Yesuq nghut sû, mauhkûng pê shut hkyang dòq ló bê nghut é gyaú é hkyangjong mó lé wó é nghut é yánmai, ngá-nhúng yín yu to bê lùmjíng hkyô lé ging ging myhik zing nyì sháng.

Haû nghut mù, yhángmòq é jì-no a gyo hkyo é alìk lé cháng mù lèqbàt é, ó yùq le a bò sháng gàq, ngá-nhúng gi, bánno jowò haú má wó wâng shoq, a-tsam bo é í shi-kùt sháng.