Popular Bible Verses from A-pûn Awang 41

Share

Haú hkûn, Yosep gi, Hpara-uq lé, “Ngò gi, yhupmòq a dàt hpuq kyo; nghut kôlhang, Garai Gasang gi, Hpara-uq myìt ô nau é lichyúm lé byi râ nghut lhê.” ga taî ri.

Haû mù, Hpara-uq gi, yhángmòq lé, “Garai Gasâng é sô lúng é byù shí yùq sû é lé, ngá-nhúng myang hô râ nghut lhê lhú?” ga myî ri.

Hau htâng, Hpara-uq gi, Yosep lé, “Garai Gasang gi, nang lé shí hkyô pé bànshoq sé nhâng bê nghut é yánmai, nàng su u-nuq bo é eq hpàqchyî bo é byù gótû a nyì lo. Nàng gi, ngá é hkóhkâm wâng lé ùp ra râ nghut mù, ngá é byu pé bànshoq bang gi, náng é dang lé gyo kôrâ nghut lhê. Hkóhkâm tángmyhâng eq séng luî za, ngò, náng htoq ko râ nghut lhê.” ga taî ri.

Yhang gi, “Ngò hpu zô é mau má, Garai Gasang èq ngo lé zo myo myhû nhâng bê nghut é yánmai nghut lhê.” ga taí luî, lanóng yùq lé Ehprim ga myìng myhíng byî ri.

Yosep gi, “Ngá é wuîhke jamjau hkyô bànshoq eq ngá wâ é yhûmbyù wuì bànshoq lé, Garai Gasâng èq tô-myhî pyám nhâng bê nghut é yánmai nghut lhê.” ga taí luî, yhâng é zo-mún yùq lé Manase ga myìng myhíng byî ri.