Popular Bible Verses from HEBREOS 12

Share

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae. Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Añete ko, yembosɨmbi pe ñaï yave, yandepɨatɨtɨ ko, mbaetɨ ko yayerovia. Ërei taɨkue rupi yaikuaa yandemborɨ yayapo vaerä jupi vae yandepɨakatu reve.

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Peyemongeta Jesús re, kërai iyoa vae reta ikavimbae vae jei yave ikotɨ, oiporara yae, agüɨye vaerä pepɨtu pegüɨapi regua.

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve

Peropɨa yembosɨmbi, Tumpa omaeta peré taɨ rami, echa ¿oime pa kia mbaetɨ taɨ ombosɨmbi vae?

echa ñaneTumpa ko tata opaetei oapɨ mbae oeya vae rami vae.

Echa yanderu ɨvɨ pegua yandembosɨmbi michi peguaño jae oipota vae rupi. Ërei yandeRu ara pegua yandembosɨmbi ikavi vaerä yandeve, yaiko vaerä ikɨambae jae rami.

Echa pe reta mbaetɨño pemano mbaeyoa ndive peñeraroa pe.