Popular Bible Verses from Rom 3

Share

Ape' epes hiapai manda' waf aonai mumbisila' mi'uli Godi ea' ina la'ifipama anona nemaf muti mafifili bu'unai Ananinai, owa'. Ea' God nati ape' uwahipipa nandahomapa. Ape' mombale'efa Krais Jisas ea' God na'i ape' epes bu'upai. Ape' ina mase'ana anom amamaga matalona, owa'. Anan nagiambamapa ma Krais Jisas ea' natagahepa natalapa ma mape wafifipa.

Waf anama na'ama. Emi egafis sembale'efa Jisas Kraisi, isima God nofalas na'i epes bu'wasi. Ea' ape' epes hiapai mombale'efa Kraisi, God nanda'apa na'ama etin, esis Juda saloma isima owa' Judaisi wapoti'.

God nihi'ambasana Krais Jisas alihina ma amam nematawa hiesi na'ama. Anan naga' esimbel ananimi malo mali'amona okom wandafunai Godi ma nakwaha waf aonai emi egafis sembale'efanai. Ga' Krais Jisasi atona dei' God nihi'ambapa waf bu'unai na'ama. Fowa' nanda' esis amam nematawa sa'osa'ombemas ea' ina nogwamasa waf aonai esis sanda'anai, owa'. Anan nanda'am na'ama ma nogwamasa waf aonai esis sanda'anai ma dei' nihi'ambapa waf bu'unai ananinai nataga alihiguma. Amama atom dei' ape' mogawa Anan bu'unai endilisi na'i emi egafis sembale'efa Jisasi sataga epes bu'wasi.

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Baibel na'i na'ama na'i, “Ina enin epen bo'wen andeande' nape, owa'etin. Ina enin epen negawa waf bu'unai. Ina enin epen nanda' maol nagolopa God, owa'. Epes hiesi sololama eaf bu'unai sataga epes sanda' waf aonai. Ina enin epen nanda' waf bu'unai, owa'. Ina enin atitin bo'wen.

Ape' mogawa emi egafis sembale'efa Jisas atona, God na'i esis sataga epes bu'wasi andeande'. Ea' esis ina saila mi'uli anama God fowa' naso' Mosesanai, owa'.

Owa'etin. Ape' mi'i basef mi'i, epes hiesi sambaso'ami, ea' God atona na'i basef endilisimi la'ela'ef nanda' maol andeande' si'i Baibel na'iam, “Amam nematawa hiesi seme' basef ine'imi si'i endilisimi atom. Nemaf anama enis epes si'i sonda'mena basef, ine' nikila'as.”