Popular Bible Verses from Rom 4

Share

Abraham hagona felefele'ma afagof 100-peleim, alop ananinai nowafa si'i naga'i. Ea' waulu'mana Sara hage'w wapoti' asa'w ina la'ifikwa kola awasi, owa'. Abraham okom napoma amama, ea' bale'ef ananinai ina nowala, owa'. Anan nembale'ef la'ifina ma basef God na'i endilisimi nalomana ma amamaga anona nemaf migi' meatagai. Bale'ef atona nanda'ana la'ifina ea' nafela agel Godi lu'una. Anan nembale'efa God endilisi ma nogawa Anan la'ifinai ma nonda'am na'ama si'i fowa' na'i nonda'ama basef amama endilisimi.

Si'i Baibel na'i, God fowa' gani na'ipa Abraham na'i, “Ae' enda'ena nepe bafalomasa epes hiesi.” Abraham anan bafalomapa ape'inai ma naep Godi. Anan nembale'efa God atona nase'asa ambal namunai epes saga'i, ea' nofala amamaga hiami ata' owa' meatagai si'i mataga mape ea'.

God nasapa' Jisas nafi'i naga'ma nakwaha waf aonai ape' manda'anai. Ea' nafelona hi'agifa na'i ape' epes bu'upai.

Abraham ina dei' nati amamaga amama God na'ipanam na'i neanda'ami. Ea' anan nembale'ef endilisi si'i natolom ea'. Amama atom dei' nataga “Bafalomas esis amam nematawa hiesi.” Si'i fowa' God na'iam na'i, “Anona nemaf owagama epes hiesi wambota ine'inai sotaga na'ama.”

Abraham nembale'efa God. Amama atom dei' God na'ipana basef amama endilisimi atom bu'wami ma ape' mogawa endilisi God na'ipas basef amama wapoti' na'i ape' hiapai bafalomapa Abrahami, nase'apam etin si'i presen. Ina nase'asa epes isima saila mi'uli anama atona, owa'. Emi egafis sembale'efa God na'ama etin si'i Abrahami, esis wapoti'. Anan nali' nembale'efa God nataga bafalomapa nali' endilisi ma ape' hiapai emi egafipa dei' magi' membale'efa God.

Devit nanda' basef amama na'i, “Emi egafis God nakwaha waf aonai esis sanda'anai, epes isima sandanifel. Emi egafis Dembinai owa' okom nopoma waf aonai esis sanda'anai isima sandanifel.”

Baibel na'iam na'imama? Na'iam na'ama na'i, “Abraham nombale'efa God ea' God nati bale'ef ananinai na'i anan epen bu'unai.”