Popular Bible Verses from Matayo 21

Share

Kaŵili ifintu fyonse ifi mukalomba mwitembelo, ili mucetekela, mukafipoka.

ŴaYesu ŵaliŵaasucile ati: Icinenene ndukumuŵuleni ati, kani muli nekucetekela nekuŵulo'kukanika tamukacita fyeŋke'fi ifyacitwa kumukuyu, sombi naŋgawa ati mukalaŵile kulupili ulu, ati: Usuntulwe, uposwe mucisiŵa! fikacitwa.

Nemaŵumba akuntanjile nealukuŵalonda alukuŵilicisya ati: Osana kuŴana ŵakwe Dafidi! Ŵalicindeme aŵo aŵalukwisa mwisina lyaŵaSikulu! Osana kwiulu kwancimbwe!

kaŵili nekuŵeŵa ati; Fililembelwe ati, Inanda yanji ikalukwilikwa niŊanda yakutembelela-mo; sombi mweŵo mulayalula liceŋgo lyaŵaŋo.

Mumuŵule umwana umwanakasi wakuSayoni, ati: Ŵona, Imfumu yoŵe ilukwisa kuli weŵo, Ilicefesye, ilukwenda pamboŋgolo, Napamutule, akana kamboŋgolo.

Naŵo ŵaYesu ŵaliŵeŵele ati: Ibwe ilyo ili ŵakene awewacisi, Lyopele'lyo lyaliŵele nisunsa wamucilulu: Ifi fyalifumine kuli ŵaSikulu, Fyakukaŋkamana pamenso esu?

Pakuti pali fyefyo ndukumuŵuleni ati, Uŵufumu bwaŵaLesa ŵukafumiwa kuli mweŵo, nekupelwa kumukoka waŵantu uwakwikate'fisepo fyawuwo