Popular Bible Verses from Matayo 19

Share

ŴaYesu naŵo ŵaliŵatontomekele, nekulaŵila ati: Ifyo filakaŋga'wantu; sombi ifintu fyonse filesibwa kuli ŵaLesa.

Fyopele'fyo ŵukumo taŵali ŵaŵili sombi munefu umo. Pakuti pali fyefyo, ifyo ifi ŵalundenye ŵaLesa, awantu ŵonse tekufilekanya neli umo.

Naŵo ŵaliasucile ati: Kani tamuŋgapenda ati aŵo awaleŋgele awantu kumpindi yakutaŋga, ŵaliŵaleŋgele nemwalalume nemwanakasi, nekulaŵila ati: Pakuti paceŵo ico, umuntu akaleka ŵawisi naŵanyina, nekwikalisya nemukasi wakwe; popele ŵoŵilo ŵakaaluka munefu umo?

Sombi ŵaYesu ŵalilaŵile ati: Ŵalekeni aŵanice ati ŵese kuli neŵo; tekuŵakanya; pakuti Uŵufumu bwaKwiulu ŵuli kuŵakuŵe'fi.

Sombi aŵenji aŵatanjile eŵakapela-ko, naŵo aŵapelele-ko eŵakatanjila.

Kaŵili aŵantu ŵonse uwasile kani mananda kani ŵakwaŵo, kani niŋkasi, kani niŵawisi, kani niŵanyina, kani ŵana, kani maŵala, pakuti pesina lyanji, uyo akapoka umwanda, nekupyana umweo uwamuyayaya.

Peŋka ŵaYesu kaŵalaŵila kuli ye ati: Kani ulukufwayo'kuŵa uwaminine, koya, ukole fyonse'fyo ifi uli nafyo, uŵapele awapeŋgele: lomba ukaŵa nemaŵoni kwi ulu; eli ukese, ili undonda.

Naŵo nekumweŵa ati: Mbanindo ulukunjipusisya ifyaceco iciweme? Epo ŵali ŵamo weŋka eŵaweme. Sombi kani ulukufwayo'kwinjila mu Mweo, ulukulama'mafunde.

Kaŵili ndukumuŵuleni ati, Capepi kuŋgamela ukwinjila pesiso lyansiŋgano, ukucila napakwinjila mu Ŵufumu bwaŵaLesa umusambasi.

Popele ndukumuwuleni ati: Aŵantu ŵonse ukakano'mukasi wakwe pakuti paceŵo cimbi icitacili caŵucencemesi, peŋka nekuupo'mwanakasi umbi, uyo alukucito'ŵucende: nakaŵili uyo uwakuupo'mwanakasi uwakenwe kumulume wakwe, uyo naye alukucito'ŵucende.

Peŋka ŵaYesu ŵalilaŵile kuŵasambile ŵaŵo ati: Icinenene ndukumuŵuleni ati, Kulikatesye ukwinjila muŴufumu bwaKwiulu umusambasi.