Popular Bible Verses from Matayo 18

Share

Pakuti apo apa ŵaŵuŋgana ŵaŵili kani ŵatatu mwisina lyanji, popele apo epo ndi naneŵo pakati pali ŵo.

Kaŵili ndukumweŵeni, ati kani peŵumba lyenu ŵambi ŵaŵili ŵali nemutima umo pansi pano uwapali fyefyo ifi ŵakalomba, ŵaTata aŵaKwiluu ŵakaŵacitile'fyo.

Peŋka ŵaliitile akanice, nekukateka pakati pali ŵo, nekulaŵila ati: Icinenene ndukumuŵuleni ati, kani tesi mwaluluke muŵe koti ŵanice, tesi mukenjile neli kwinjila konse muŴufumu bwaKwiulu.

Aŵantu ŵonse lomba, ukalicefya koti kanice aka, uyo wopele eucilile uŵuleme muŴufumu bwaKwiulu.

Nakaŵili uyo, ukapokelela umwanice umo uwakuŵe'fi mwisina lyanji, ye akampokelela neŵo.

Icinenene ndukumuŵuleni ati fyonse'fyo ifi mukakaka pansi pano, fikakakwa nakwiulu; nakaŵili fyonse'fyo ifi mukakakulula pansi pano, fikakakululwa nakwiulu.

Fyopele'fyo naŵaTata aŵaKwiulu efi ŵakacita nakuli mweŵo, kani mwense mumitima yenu tamuŵafitulucila aŵakwaŵenu.

Sombi uyo ukamututwisya umbi umwanice uwapali ŵaŵa aŵalukuncetekela neŵo, ukumweleiwa ati ye akakacilwe mumukosi necibwe icikulu icakupela-po, nekwiŵisiwa munsi mucisiŵa icitali.

Mulukulaŋguluka syani? Kani umbi umuntu ali nembelele umwanda, imo nekuluŵapo, ye tekusisye'syo amakumi asanu naane nasisanu nasine, nekuya kumapili mukufwaya-fwaye'yo iyaluŵa-po?