Popular Bible Verses from Danyeli 9

Share

Peŋka kantembela kuli ŵaYawe Lesa wanji, nekulukufisulula, nekulaŵila ati: MweŵaSikulu, mweŵaLesa aŵakulu aŵakutinisya, aŵacita koti kulayana neŋkumbu kuli ŵaŵo aŵalukuŵatemwa nekulonda amafunde aŵo

MweŵaLesa ŵanji, kutikeni, mumfwe; tapukeni, muŵone ukonalwa kwesu nemusi uwilicilwe kwisina Iyenu; pakuti tatuleta pamenso enu ukulomba-lomba kwesu pakuti pakuluŋgama kwesu, sombi nipakuti paŋkumbu syenu isikulu. MweŵaSikulu, ŋgamumfwe; mweŵaSikulu, mufituluke; mweŵaSikulu, mukutike, mucite; tekukokola; pakuti pali mweŵo mweŵene, mweŵaLesa ŵanji, pakuti umusi wenu neŵantu ŵenu ŵaliilicilwe kwisina Iyenu.

Popele nalilolesye amenso anji kuli ŵaSikulu Lesa, mukufwaya-fwaya kukutembela nekulukulomba pamo nekulifina nefikundulu nematoi.

Kuli ŵaSikulu, Lesa wesu, kuli iŋkumbu nekufitulula; pakuti twaŵaalucila

Nayo ikacito'kulayana ukukosele neŵenji pamuluŋgu umo; kaŵili ukufika pakati pamuluŋgu ikapesya umulambu wakwipaya necakuposa; nakaŵili pepindo lyafipakaŵi pakesa uwakonala; lomba ukufika kukusilisya uku ŵalandakanya, uŵukali ŵuketululwa pawakonala.