Popular Bible Verses from Danyeli 8

Share

Neŵukulu bwaiyo naŵo ŵukalukuli nemakosa, sombi uŵo taŵukalukuli kuŵukulu bwaiyo iyine; akonala ukwakukaŋkamana, nekusyuka nekulukuficita lukoso; kaŵili akonala aŵamakosa neŵantu awaluŋgeme. Koti kulandakanya kwaiyo ikasyucisya ukucenjela muminwe yaiyo; ikalukulikusya mumutima waiyo, nekuŵonala aŵenji pakwikala ŵo muŵutende; nakaŵili ikaimina imfumu yamfumu; sombi ikakononwa apakuŵula-minwe.

Naye ati, Ŵona-ko, ndukukwisiŵisya ifikaŵa-po pampindi yakupela kwakufitwa, pakuti kwampindi yakupela-ko iyansicilwe. Imbelele iyalalume iyo waŵona, iyali nemaseŋgo ayo aŵili, o nimfumu syakuMadai nakuPasai. Kaŵili uyopepe uwawuŋgwa nimfumu yaŵaEla: neseŋgo ilyo ilikulu ilili pakati pamenso akwe nalyo nimfumu yakutaŋga.