Popular Bible Verses from Erubasa 14

Share

Duen dalan he kunaan te etew ke iyan hustu he zalan, iyan, is egkepengkusan dutun ne iyan is kemetayen.

Is melinew he isip, ibmeupiya te lawa, iyan, is kegkesina, iring te zaru he kansir su ebpekezezaat.

Is etew he uluwanen, ne mepelevayen sikandin, ne egketuusan ta is tulebung su melemu sikandin egkepauk.

Is bahi he uluwanen, ebpurungan din is pemilya zin, iyan, is tulebung mulà he vahi edezeetan din is kandin he pemilya.

Is kedtehuza te NENGAZEN, ne iyan ebpekeveǥey te kelig-en wey kenà kegkekeizi te etew wey te menge anak din.

Is kedtehuza te NENGAZEN iring te kedtudà te wahig he ebpekeveǥey te untung, su pinaaǥi zutun egkelikayan ta is ebpekepevavà te umur ta.

Is etew he uluwanen, ne ed-empingan din is keugelingen din ne edlikey sikandin te samuk, piru is tulebung, melemu egkepauk ne ebeyveyanan din is hustu.