Popular Bible Verses from Erubasa 13

Share

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Is etew he ebenteyanan din is kebpengaǥikaǥi zin, ne iring te iyan din ebentayan is keugelingen din, piru sikan is kenè din ebenteyanan is kebpengaǥikaǥi zin, edezeetan din is keugelingen din.

Wazè nu pelenggaa is anak nu emun kenè nu ebmensuwen, wazè nu heini pelenggaa. Emun pelanggè nu sikandin, edtulizen nu is mezaat he betasan din.

Is kenà kegkeengkena te etew te penganduy zin ne ebpekezezaat te ǥehinawa zin, piru is etew he naangken din is penganduy zin ne ebpekelig-en wey ebpekelipey kandin.

Is meupiya he menge ulaula, iyan bantey te menge metazeng, piru is mezaat he menge ulaula, iyan ebpuew te menge mekesesalà.

Is selapì he melemu is paaǥi te kegkekuwaa zuen, meǥaan dà egkahanew, iyan, ed-uswag mulà is selapì he mereǥen is paaǥi te kegkekuwaa zuen.

Samuk dà is egketuvù pinaaǥi te kebpelavew. Ne is etew he metau, ebpesambag sikandin.

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.

Is anak he uluwanen, ebpezumazuma te kebmensuwa kandin te amey zin, piru is anak he sumpalit, ne kenà ebpemineg he edewayen.

Is etew he kenà egkesuat he ebpenuruen, iyan egkepengkusan din is egkepeey-eyuwan wey egkepeel-elezan, iyan, egkezeliǥan mulà is etew he ebpekeventayan din is idawey kandin.