Popular Bible Verses from Erubasa 12

Share

Is kegkeipeng ne ebpekeveǥey te seeng, iyan, is meupiya he lalag, ebpekeveǥey te kelipey.

Is etew he egkesuat he ibperangka ziyà te kandin is sayep din egkesuat he egkehimu he uluwanen, iyan, is etew he paglung ne egkeepes emun egkeǥiyen diyà te kandin is menge sayep din.

Is kenà binentayan he kegkaǥi, iring te lembitan su ebpekepalì te ǥehinawa, iyan, is menge lalag he mibpurungan is-isipa ne ebpekevey te keupiyaanan.

Is etew he tulebung, kenà ebpemineg te sambag su kunaan din ke hustu en is paaǥi zin, iyan, ebpemineg mulà te sambag is etew he uluwanen.

Is tulebung he etew, emun ed-insultuwan segugunà egkepauk, iyan, is etew he uluwanen kenè din edseǥipaan is ked-insultuwi kandin.

Is bahi he egkezeliǥan tenged te meupiya he menge vaal zin, ne zengeg sikandin te esawa zin, piru is bahi he mekeeled-eled is menge ulaula zin, ne iring sikandin te vaus he midtuvù diyà te peka te esawa zin.

Egkeepesan te NENGAZEN is teruen, piru igkelipey zin mulà is kenà menge teruen.

Is metazeng he etew ebpekegiya te emiǥu zin, piru ebpeketazin mulà is lalung he etew.

Is menge lalag he tutuu kenà egkaawà te wazà pidtemanan, iyan, is lalag he tarù meǥaan dà egkahanew.