Popular Bible Verses from 2 Hadì 5

Share

Si Naaman he peremandar te menge sundaru ziyà te Aram, edtehuzen te hadì diyà te Aram, su pinaaǥi kandin mibpengelinteuwan te NENGAZEN he mekezaag is Aram. Meupiya sikandin he sundaru, piru zuen utew mezaat he zaru te lundis he ed-isipen he meremerik.

Midsuǥù si Elisha te ibpekaǥi ziyà te ki Naaman he medhendiyà sikandin te Wahig he Jordan ne lùlui zin is lawa zin te kepipitu, ne egkeulian sikandin.

Umbe, midhendiyà si Naaman te Wahig he Jordan ne midlùluan din is lawa zin te kepipitu, sumalà is nekaǥi te suluǥuen te Megbevayà he si Elisha. Ne neulian is daru zin, ne mibmetilak is lundis din he henduen be te lundis te zeisey pa he vatà.

Piru nepauk si Naaman ne migenat is ebpeneremudtemud. Ke sikandin te, “Kunaan ku ke egawas sikandin is ed-etuvang kedì. Iyan ebpeebuten ku he ebpengumew sikandin te NENGAZEN he Megbevayè din ne ibayew zin is belad din diyà te zivavew te lundis ku he zuen din daru ne ebewian e zin.

Piru mid-uvey ziyà te kandin is menge suluǥuen din he ke sikandan te, “Datù, emun mereǥen he ebeelan is idsuǥù kenikew te ebpeneuven, kenè be ebeelan nu? Ne melemu zà he ebeelan is insuǥù din he kebpenlùlù para meulii ka.”

Ne sevaha he andew, migkaǥi heini is raǥaraǥa ziyà te egalen din te, “Emun ebpekidhinguma is egalen ku he si Naaman te ebpeneuven he ziyà te Samaria, ne ebewian din is daru te lundis din.”