Popular Bible Verses from 2 Hadì 6

Share

Ne zutun mid-ampù si Elisha te, “NENGAZEN luwisi nu is ked-ehè din su wey mekaahà sikandin.” Ne midluwisan te NENGAZEN is menge mata zin, ne neehè din is menge vuvungan diyà te peliǥuy ni Elisha he gurenab is hapuy he menge kudà wey kerwahi.

Midtavak si Elisha te, “Kenè ka mahandek. Tuwas pa he mahabet kandan is kenita he zuma.”

Ne kegkemeselem, midselem med-enew is suluǥuen ni Elisha, ne neehè din is menge sundaru he ebpemen-untud te kudà wey menge kerwahi he midliǥuy zutun te inged. Migkaǥi sikandin diyà te ki Elisha te, “Datù, hengkey is ebeelan ta?”

Dutun te kebeyai ki Elisha te menge kuntada, mid-ampù sikandin te, “NENGAZEN, lekapa nu heini he menge etew.” Umbe midlakap sikandan te NENGAZEN sumalà is midhangyù ni Elisha.

Mid-insà si Elisha te, “Hendei zapit meulug?” Ne intezù duen te etew ke hendei meulug, ne mibadtì si Elisha te rasang ne intimbag din duen te neuluǥan. Ne midletew haazà is wasey.

Ne is sevaha kandan he ebpiley te kayu, nepul-ut is wasey zin ne neulug diyà te wahig, ne nekevensag sikandin te, “Datù, sinembayan ku zà sikan!”

Migkaǥi si Elisha te, “Kuwaa nu en.” Ne migkuwa zuen te etew.