Popular Bible Verses from 2 Hadì 4

Share

Migkaǥi si Elisha ziyà te kandin te, “Hengkey is igketavang ku kenikew? Keǥiya nu kediey ke hengkey is diyà te valey nu?” Midtavak haazà is bahi te, “Wazà datù, gawas te zeisey he lana ziyà te tivud.”

Duen balu he vahi he is esawa zin he minatey sevaha he sakup te grupu te menge ebpeneuven. Ne sevaha he andew, mibuyù sikandin te tavang diyà te ki Elisha. Ke sikandin te, “Minatey en is esawa ku he suluǥuen nu ne netuenan nu he edtahud sikandin te NENGAZEN. Ne ǥuntaan nekeuma is etew he neutangan din ne egkuwaan din is tanè dey wey is dezuwa he anak dey he menge maama ne ed-uripenen din su iyan kun sikandan bayad te utang te esawa ku.”

Migkaǥi si Elisha te, “Hendiyè ka te langun he zuma nu he menge meǥinged, ne penambey ka te mahabet he menge teleǥuey.

Ne seled kew te menge anak nu ziyà te valey niw ne lekevi niw is gemawan. Ne itisi niw te lana is langun he menge teleǥuey. Ne kada egkepenù he teleǥuey ne itapid niw te edsavuk.”

Ne hein nepenù en is langun he menge teleǥuey, migkeǥiyan din is anak din te, “Duwali e pa keniyu te teleǥuey.” Midtavak is anak din te, “Wazè en teleǥuey.” Ne zutun dutun mid-engked is kedtudà te lana.

Ne midhendiyà haazà is bahi te ki Elisha he suluǥuen te Megbevayà ne midtudtul zin is nehitavù. Ne migkeǥiyan sikandin ni Elisha te, “Hipanew ka ne ivelegyè nu is lana ne veyazi nu is utang nu. Ne zuen pa subra he selapì he egkesamà he ereg he igkeuyag nu wey te menge anak nu.”

Umbe, mibeelan dutun te vahi haazà is nekaǥi ni Elisha ziyà te kandin, ne midlelekeb sikandan te menge anak din diyà te valey zan. Ne mid-uwit te menge anak din diyà te kandin is menge teleǥuey, ne midteǥuan din haazà te lana.

Ne midlengkevan din haazà is batà, ne indegkit din is bèbè din diyà te vèbà duen te vatà, is mata zin, indegkit din diyà te mata, is belad din indegkit din diyà te velad duen te vatà. Ne zutun te kedlengkevi zin duen te vatà, ne midnaneynaney mebmeinit is lawa zuen te vatà.