Popular Bible Verses from Colossiens 2

Share

Tö ökâré, ûr̂û ké cëi-e xe-ve Ièsu Kérisö Ör̂ökau, vâr̂â vè rhaaxâ rö xi-e na gëve; Yöi kwèè-ve rö xi-e, mâ nââ kavèè mör̂u xe-ve rö xi-e, mâ rhùvia tâ néwèi xe-ve ûr̂û ké wê aʼpâgür̂ü yè-ve, mâ bâ ëi vè kau vi.

Koa rö, wi rha vè koyo na dèxâ kâmö xè-i dèxâ gaamëë, mâ xè-i pè vi mür̂ü i bwir̂i, ûr̂û vi winô i kâmö, mâ vi aʼpâgür̂ü né bwêê jë, aè na da ûr̂û Kérisö.

Aè gëve, wè gëve wê mé xè-i câwâ ka yaané mâ xè-i ké da pè vâr̂â yêr̂ê kar̂ö-ve, na bör̂i pè mör̂u-ve tëë na ce, gëve vèâ-ê, na na wê cöö rö-i pâr̂â yerii xé-ré wânii. Wè na wê câ vè bwir̂i na ce ka yu ré yaané yè-ré rö mââyöö, mâ ka rhîaa i-ré, na na wê pè virai-e xè négowé, mâ dawir̂i-e i vaö rö sataurö.

Wè na tö xi-e rö-i kar̂ö na ké rhau yexèvè rö-i kétöné Bâô. Aè é pè rhâri-ve xè xi-e, ce ré gwâ pâr̂â vi winô mâ pâr̂â awir̂è.

Tö ökâré, koa yè tâ néxâi-ve na dèxâ kâmö na pûû-é na êê ara mâ wâyö, mâ nédaa né waa bwêê, mâ var̂ui ka mö ké döwöö, mâ nédaa ka ar̂ii, wè ökâré ui né pâr̂â kââ ré yè pwa mi, aè dö êê, wè na tö Kérisö.