Popular Bible Verses from Colossiens 1

Share

Ce ré öxar̂a-ré rai awir̂è né orê, mâ pugèwè-ré yè mwâcir̂i i O xi-e ka dö wêê nénââ xi-e

Wè rö xi-e é wê yaxai pâr̂â kââ wânii, pâr̂â kââ rö rua nékö mâ rö-a bwêê jë, pâr̂â kââ ré tö vèa mâ da tö vèa, mâ pâr̂â kaa per̂e, mâ pâr̂â mwâcir̂i, mâ pâr̂â vi winô, mâ pâr̂â awir̂è. É wê yaxai pâr̂â kââ wânii xè xi-e mâ vè ki-e.

Wè na baayê rai pâr̂â kââ na ce, aè cér̂é taadè na pâr̂â kââ wânii, aè cér̂é tö yawi na pâr̂â kââ rö xi-e.

Ce rö ré virù cur̂u Bâô ka é da tâwai tö rhûû, mâ ce rö ré tö vèa baayê rai pâr̂â kââ é wê yaxai.

Ökâré pûû-é gövu da tâ mui rai pwaér̂ö mâ vi pëër̂ii vè ke-ve, rhavûû rèi nédaa ré gövu pwêr̂ê rèi, cè gëve rhâri xè-i vi tâwai yè rhî vè e xi-e, rö-i gaamëë mâ rhîâgür̂ü wânii rö-i ko. Cè gëve vi rö-i pâr̂â câwâ ka e mâ ka pâr̂i Ör̂ökau, mâ pwa na pwêê-ve rö-i pâr̂â nêr̂ê ka e wânii, mâ cè gëve tuö vi rö-i gaamëë i Bâô