Popular Bible Verses from Philippiens 4

Share

Koa yè tâ vi nénââ yè dèxâ kââ, aè na e na ki gëve rhau êr̂ê vèa yè Bâô vi pëër̂ii xe-ve rö-i pwaér̂ö, mâ vi bëia mâ ëi.

Aè nâânévâ ka mi xè-i Bâô, wè kââ ka vi kwéjî rai pâr̂â vi tâ pâgür̂ü wânii, nè yè bör̂i vi târ̂î pâr̂â pwéé-ve, mâ pâr̂â vi tâ néxâi xe-ve rö-i Kérisö Ièsu.

Pâ kaavèâi-nya éé, ökââ léé, êr̂ê, pâr̂â kââ ka avâr̂i, mâ pâr̂â kââ é aʼvè e, mâ pâr̂â kââ ka târi, mâ pâr̂â kââ ka korhî, mâ pâr̂â kââ ka vië, mâ pâr̂â kââ ka mâ e, wi yè dèxâ âwâné, wi yè dèxâ kââ pè pè kau, na e na pâr̂â kââ-ré cè ké-r̂é kavèè né pâr̂â vi tâ néxâi xe-ve.

Na pâr̂i-nya na pâr̂â kââ rö-i ce ré pè mör̂ö-nya.

Vi or̂o rö Ör̂ökau na gëve. Aè gö êr̂ê yè-ve tëë, êr̂ê: “Vi or̂o vèr̂i.”

Aè nè yè bör̂i nââ yè-ve na Bâô xi-nya, pâr̂â kââ ka yè pâr̂i-ve, ûr̂û ké kigör̂ödiwi xi-e rö rhîrhér̂é xi-e rö Kérisö Ièsu.

Aè pâr̂â kââ ré gëve wê pâgür̂ü mâ cëi, mâ pwêr̂ê, mâ tö rhûû rai-nya, wè waa vèr̂i na gëve, nè yè bör̂i tö pwar̂a-ve na Bâô né nâânévâ.

Na e na ké-r̂é rhau rhîâgür̂ü kièo xe-ve na pâr̂â kâmö. Wè cé-a-è rö Ör̂ökau.

Gö tâwai ké yè yèri, mâ gö tâwai ké yè kigör̂ödiwi. Rö-i pâr̂â kââ vidù, mâ rö-i pâr̂â kââ wânii, gö cowa pâgür̂ü ké yè kiè, mâ ké yè mêr̂ê, mâ ké yè kigör̂ödiwi, mâ ké yè rhauadè.

Aè gö da êr̂ê xè-i ké rhauadè xi-nya, wè gö wê cowa pâgür̂ü ké yè vi or̂o rö-i pâr̂â câwâ wânii.