Popular Bible Verses from RUM 5

Share

Di lareʹ Allah peluhaʹ kumpin seʹ e ban malaʹ neng ilu: moʹ dalau le petem kelunan penyalaʹ are, Keristus iaʹ ban matai saliu ilu.

Abeʹ tebelum ina ke pebahoʹ ilu, moʹ Allah ban lebang meseʹ pengemalaʹ a kedalem penawai le, kanan Berua Buheʹ iaʹ pengencai Allah milu.

Ca ukoʹ le bangen laʹa, neng penaru le, moʹ le tisen penaru ina ke cuk ilu nengayet. Ngan puyan tengayet ina ke uyan kimet iaʹ pali, ngan kimet iaʹ pali ina ke nyalet tebelum le.

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne. Ban kuʹun pengelan le, ia ngkin ilu tai kedalem pengelesau Allah iaʹ ia lebang naʹ milu ina, iaʹ ukoʹ le mudip naʹ kini. Bangen pe tekaʹ le laʹa moʹ le nebelum ke kahum neng serema peniga Allah ʹo.

Dalau le caʹ supeʹ kuʹun penyalaʹ, ngan dalau ketai ie sihoʹ tuket Allah, Keristus matai tuman ilu diaʹ ban muau ia.

Moʹ kuʹun patai Keristus ne, ilu tai teneng ngan Allah. Tahaʹ tai kina pelaʹa, pali kuʹo ke Keristus ke pudip milu neng kenca Allah.

Un pelaʹa, kadoʹ dulu tai nuyan kelunan penyalaʹ kuʹun puyan ca usa iaʹ muau neng Allah, pekina pe kadoʹ dulu ke tai nuyan kelunan teneng ngan Allah kuʹun puyan ca usa iaʹ tudep bayaʹ dau Allah.

Abeʹ e pa ina tuaʹ le, un pelaʹa atek bangen le kedalem Allah kuʹun Tuhan le Yesus Keristus ne, moʹ ia iaʹ uyan udip le senteng ketai pemung ngan Allah.