Popular Bible Verses from RUM 6

Share

Moʹ suaʹ penyalaʹ, ina ne patai; un sepuʹo pengencai Allah, ina ne udip saheʹ kelineʹ iaʹ ngeriman, iaʹ pebulung dalem Keristus Yesus, Tuʹa le.

Un penyalaʹ ina, abeʹ e tekep ke ngaren ikem laʹa, moʹ abeʹ kem mudip dalem katuk adet ne, bang mudip ne ikem dalem pengelesau Allah, iaʹ ia lebang naʹ mikem.

Moʹ kuʹun puyan batis ina, lepa ne ilu pemung tanem ngan ne, moʹ patai ie ina, patai le lete. Idi le tai pekuaʹ koʹ baʹan Keristus iaʹ ban numpak mudip cen patai ie kuʹun penyukat paren Amai Bioʹ. Pekina pe ilu naʹkini, sukat lete kanan ca udip iaʹ mading.

Ayen ncem petunuk sangat usa hem me penyalaʹ ke nuyan senganan neng pemuyan iaʹ jaʹat laʹa. Di lareʹ mencai usa hem me Allah, koʹ baʹan kelunan matai iaʹ numpak mudip, ngan petunuk usa ngan berua hem mia, ke nuyan senganan neng pemuyan iaʹ teneng.

Tisen te ilu, ban penyaheʹ usa le iaʹ puʹun idai lepa matai neng kayu tecek pemung ngan Keristus are, apan ukoʹ penyukat penyalaʹ ini ketai salai, idi le abeʹ un caʹ caʹ ulaʹ neng penyalaʹ laʹa.

Pekina lete ikem, tekep kem ke petawai, ikem ne diaʹ ban matai petat cen penyalaʹ iaʹ ban nyalet ukum neng ikem are, di pareʹ naʹkini ikem mudip me Allah pebulung kedalem Keristus Yesus.

Buk pekina, inu iaʹ ke kun le ne taʹin? Penco ne ilu mudip dalem penyalaʹ apan luhaʹ bioʹ kuʹo ke pengelesau Allah ke sau penyalaʹ le mo? Nyahut te pekina ne. Ilu dini ban matai neng tekaʹ penyalaʹ iaʹ ban nyalet ukum neng ilu are. Kumpin le ke ngeliwet penco mudip kedalem penyalaʹ laʹa tupe?

Moʹ atek ke tisen te ikem, buk kem ke tai ulaʹ dulu, tunuk kem bayaʹ dau re. Atek ulaʹ lete ikem neng aheʹ iaʹ ikem tunuk ina. Buk kem tunuk neng penyalaʹ, un suaʹ a patai. Buk kem tunuk bayaʹ dau Allah, un suaʹ a pemuyan iaʹ teneng.

Nyuaʹ tiga saheʹ ne palaʹ Allah, naʹ pe ikem ban ulaʹ neng penyalaʹ cen naʹaʹ are, un ʹo naʹkini lepa ne ikem bayaʹ dau katuk iaʹ telit, iaʹ ikem ban pekalai are ngan tekaʹ keluʹung kimet cem. Uʹo hem takau cen penyalaʹ, tai hem ulaʹ neng pemuyan iaʹ teneng.