Popular Bible Verses from IBERANI 13

Share

Neng puyan pengudip kem, ayen peletoʹ malaʹ neng ligit, bang teto tekaʹ neng inu iaʹ ikem un. Uban Allah lepa pisiu kuma ha: “Peletoʹ-letoʹ keʹ abeʹ keʹ ke mecin ikem. Peletoʹ-letoʹ keʹ abeʹ keʹ ke peterai ikem.”

Yesus Keristus abeʹ un pekaliu, kuaʹ koʹ baʹan cen kena are, pekina pe ia tau ini, ngan pekina pe ia pa majan ʹo.

Ina ukoʹ tiga ne ilu tempa tekaʹ ngan kuma: “Tuhan iaʹ mepo akeʹ. Abeʹ keʹ ke takut ʹo. Inu iaʹ kelunan senteng ti neng akeʹ tupe?”

Ayen lingu ti puyan iaʹ tiga, ngan mepo ikem semaheʹ, uban puyan dini ne nuyan liwa diaʹ ke niga kimet Allah.

Uban ne pekina, tiga ilu lemuto-uto mencai pengepada le palaʹ Allah, kuaʹ liwa le kuʹun Yesus, iaʹ ina pencai iaʹ ilu mencai man dau paʹ iaʹ teto ngahaʹ ngadan ne.

Tekep le mung ke pubo puyan pepeto ngan iaʹ selumuk. Tekep ne laki ngan leto, diaʹ lepa pepeto, ngkang ca le kimet neng ida semaheʹ. Moʹ Allah iaʹ ke metep ukum neng kelunan iaʹ abeʹ un nyingo adet buheʹ kahang laki ngan leto, pekina pe neng kelunan iaʹ pemung nyelem.

Nawai ne nyelama alaʹ sakai kaʹ dalem amin ncem. Cen naʹaʹ un palai diaʹ ti pekina ngan nyelama alaʹ melikat petem nte abeʹ un tisen ida melikat.

Tuhan le Yesus iaʹ Pengebioʹ diaʹ Manan Dumba, moʹ kuʹun puyan patai ie. Man puyan ina ia lepa ngelisan penyalet tuket iaʹ un pa majan. Allah iaʹ meteʹ ia cen patai ie. Awaʹ pe Allah iaʹ puʹun udip tadan ke naʹ mikem mung naʹan iaʹ tiga, iaʹ tekep ikem ke un, apan ncem senteng ti pengubaʹ kimet te. Awaʹ pe laʹa Allah iaʹ kanan Yesus Keristus ke uyan dalem ilu puyan iaʹ ke niga kimet te. Me Keristus ketai mung serema peniga pa pa majan. Amin.