Popular Bible Verses from IBERANI 12

Share

Naʹkini mung dini are, nuyan ca mpun bioʹ iaʹ neliling ilu. Ida badaʹ tugen neng puyan pengelan. Ina ukoʹ tiga ne ilu ngemuga usa le cen mung inu iaʹ nyebampet ilu, ngan penyalaʹ iaʹ aleʹ ngelibit ilu. Tiga ne ilu ngan teto ke ngasa neng pasa iaʹ Allah peteneng milu. Tiga le nyalet taʹat le palaʹ Yesus, moʹ ia iaʹ ukoʹ tapi pengelan le cen tading nge pa ketai kelepa ha. Abeʹ Yesus luʹap kuʹun puyan tecek are, un sepuʹo penyaʹe puyan ne matai neng usun kayu tecek abeʹ un inu tekaʹ a pekimet puyan ina, uban kuʹun pengebangen iaʹ ngena ia, ngan naʹkini ia madung tahaʹ taʹu padung pengaren Allah.

Tegoʹ le sihoʹ kenca katuk, un tekaʹ le sihoʹ puyan iaʹ ke ngebahat tawai le, abeʹ e puyan iaʹ ke ngebangen ilu. Un sepuʹo kelunan diaʹ alaʹ kimet bayaʹ kenca katuk ina are, seleket de ke majau puyan iaʹ tadan, iaʹ kenai buʹan cen peneneng udip de.

Nengayet ke mudip tadan ngan kelunan mung, ngan pekina pe nengayet ke mudip buheʹ, uban ca usa mele aheʹ pe abeʹ senteng taʹan Tuhan buk ke abeʹ un udip iaʹ buheʹ ina.

Nawai tiga neng puyan iaʹ ia lepa sihoʹ, kumpin seʹ e nengayet tegoʹ kelunan penyalaʹ aleʹ miʹi neng ia are. Uban ne pekina, ayen ncem tai janga tawai ke ngeluʹap.

Ina ukoʹ tekep le nyuaʹ tiga saheʹ uban le lepa alaʹ ca puyan iaʹ ngaren ilu, iaʹ abeʹ senteng ke liung. Tekep le nyuaʹ tiga saheʹ ngan lemameʹ palaʹ Allah ngan puyan iaʹ sihoʹ pengubaʹ a iaʹ ina ngan puyan temek ngan tunuk.

Ngihen ne neng tuyen ncem, ngan pekimet puyan ina puyan Amai iaʹ ke ngenca pekatuk ikem. Uban puyan penuyen ncem ke peluhaʹ uban Allah iaʹ pekimet ikem diaʹ anak ke. Mpi un ca anak iaʹ abeʹ un sihoʹ kenca katuk amai ie.

Moʹ Tuhan Allah le, atek ca luten iaʹ ke uman inu inu pa salai.

Amai le neng puyan le kelunan lepa ngenca pekatuk ilu nuat tuaʹ le, ngan puyan iaʹ teneng baʹan dau re. Un sepuʹo Allah menco puyan ini apan ne ke uyan peniga milu, idi le ketai pebulung dalem pengebuheʹ e.

Uban dalem puyan ncem ke ti ngan nyakat neng puyan penyalaʹ, abeʹ lepe ikem ti pa pa matai.