Popular Bible Verses from IPESUS 5

Share

Moʹ ikem ne anak Allah iaʹ ia selu, tekep ne ikem bayaʹ layen Amai hem. Tiga hem lemuto mudip dalem pengemalaʹ, koʹ baʹan seʹ Keristus lepa malaʹ neng ilu, ngan naʹ usa ha suaʹ penyalaʹ le, ca pengencai iaʹ me baʹoʹ kata Allah, ngan liwa iaʹ sihoʹ neng pengubaʹ a.

Moʹ ina, pekimet tiga tiga le ikem neng puyan pengudip kem. Ayen mudip koʹ baʹan dulu diaʹ turan are, di lareʹ koʹ baʹan dulu diaʹ mencam pekimet. Petutui hem uyan tiga neng singket tau ne, moʹ dalau ini dalau iaʹ jaʹat.

Ayen ncem mabuk telang jakan iaʹ ke ngejaʹat ikem, di lareʹ tiga hem tai sangan kuʹun Berua Tuhan. Mentung ngkem pisiu neng ahang ikem selepeʹ man Kentau Masmur, ngan dayung sebayang, ngan dayung cen Berua Buheʹ. Tiga mung dayung ngan kentau hem tai palaʹ Tuhan, mentung ngan bangen tawai pempau ia. Lemuto nyuaʹ tiga saheʹ palaʹ Allah iaʹ Amai Bioʹ, dalem ngadan Tuhan le Yesus Keristus, neng mung naʹan inu.

Moʹ ina, ayen ncem untau laʹa, di lareʹ nengayet ne ngetisen pengubaʹ kimet Tuhan neng ikem.

Un sepe mung ngkem laki, tiga hem malaʹ neng leto hem, koʹ baʹan Keristus lepa malaʹ Mpun diaʹ ngelan, penco ho naʹ usa ha matai tuman Mpun diaʹ ngelan ia.

Moʹ cen naʹaʹ, ikem pe caʹ mudip dalau ntem are. Un ne naʹkini ʹo, lepa ne ikem tai nuyan diaʹ anun Tuhan. Ina seʹ kem mudip neng dema. Cen diaʹ pekina, tekep kem mudip koʹ baʹan diaʹ dalem dema.

Pekina pe tiga hem tunuk neng ikem selepeʹ dalem ngkem takut neng Keristus.

Mung ngkem leto iaʹ un laki, tiga hem tunuk palaʹ laki hem koʹ baʹan palaʹ Tuhan are.

Moʹ pekina ban ne, tekep lete singket usa hem laki malaʹ leto hem koʹ baʹan neng usa hem tengen. Ngan ikem leto, tekep pe ikem nyelumuk neng laki hem.

Koʹ baʹan dau dalem Kitap Tuhan: “Ina ukoʹ o ca usa ke mecin amai ngan ueʹ e, moʹ o ke tai pemung ngan leto ho, ngan ke ca le usa re dua.”

Ayen ncem tai pemung ngan dulu diaʹ un puyan diaʹ abeʹ un semantet, iaʹ nai cen dalau ntem. Di lareʹ ikem badaʹ dema ina mida tiga le.