Popular Bible Verses from IPESUS 6

Share

Moʹ abeʹ le ke pekutung ngan kelunan. Ilu ke pekutung ngan mung penyukat bali iaʹ uban nai cen beluaʹ awang, iaʹ ina bali diaʹ ngkang usun tanaʹ, ngan diaʹ ngkang penyukat lepoʹ, ngan toʹ penyukat iaʹ ngaren dulu ngajan udip ntem ini.

Uyan mung dina dalem temameʹ kem lemuto, mentung nyat Allah mepo ikem. Lemameʹ ne lemuto-uto bayaʹ ajak Berua Tuhan. Moʹ ina jagaʹ ne, ngan nengayet ne pa kumpin, ngan lemuto ne lemameʹ me mung diaʹ anun Allah.

Ikem kanan ne toʹ senganan pepatai iaʹ Allah naʹ mikem, apan ncem senteng nekedeng nyekang mung penudi aken Bali Jaʹat.

Ina ukoʹ kanan ne mung senganan iaʹ Allah naʹ mikem naʹkini, apan ncem senteng nekedeng nyekang toʹ sudup bali neng ikem tegoʹ kenai tau iaʹ jaʹat ʹo, apan tai lepa hem ti ngan bunoʹ kem, ban un lete ikem jeng nekedeng neng ukoʹ kem.

Ngan lemuto hem kanan kelempit pengelan ncem, moʹ man ne ikem sukat ke lemataʹ toʹ langan luten iaʹ nai cen Bali Jaʹat. Ngan un ne beluko malat, ina pengudip kem dalem Tuhan. Ngan kanan ne bahing Berua Tuhan, iaʹ ina tiraʹ Allah.

Moʹ ina, petenup ne ngan salet tekejeng ngkem. Un ne sereteng tuʹing, ina penelit cem. Ngan un ne sapai malat, ina peneneng ngkem. Ngan un ne sepatu, ina penyanget cem tai badaʹ Denga Injil neng udip iaʹ tadan.

Kebayaʹ a, alaʹ ne pit pengali hem dalem puyan ncem pebeka tawai dalem Tuhan, moʹ Tuhan iaʹ ke naʹ pengali penyukat te mikem.

Un dau dalem Kitap: “Tunuk ne neng ueʹ ngan amai hem.” Un dau ue laʹa: “Apan ncem tai tiga, ngan majan mudip neng usun tanaʹ ini.” Pekina dau katuk ukum Allah iaʹ ading dau ke petuket ke naʹ ca inu peging ngan katuk ke.

Mung ngkem anak anak, kanan le bayaʹ dau amai ngan ueʹ kem, moʹ ina iaʹ teneng dalem Tuhan.