Popular Bible Verses from IPESUS 4

Share

Di lareʹ alaʹ kimet lesau ngan lemaʹ saheʹ kahang ikem selepeʹ, ngan sau penyalaʹ neng ikem selepeʹ, koʹ baʹan Allah lepa sau penyalaʹ kem kedalem Keristus are.

Lemuto alaʹ libaʹ tawai hem, ngan lemaʹ saheʹ kem, ngan denaʹ tawai hem. Peluhaʹ pengemalaʹ kem man seʹ puyan ncem mepo ikem selepeʹ

Buk kem pisiu, ayen kanan isiu iaʹ ke ngejaʹat dulu. Un sepuʹo kanan ne isiu iaʹ ke mepo dulu, iaʹ ke pedengkep ida neng inu iaʹ ida tepa. Cen diaʹ pekina hem uyan tiga me dulu diaʹ kenahan dau hem ʹo.

Ayen un laʹa neng ahang ikem tiraʹ iaʹ laʹit, ngan kimet laseʹ, ngan buseʹ. Ayen peletoʹ un dau kerikak, ngan pejaʹat dau neng kelunan. Pet dina mung, peging ngan mung naʹan sakit saheʹ.

Buk kem miʹa, ayen ncem miʹa pa hem tai laboʹ neng penyalaʹ. Ayen ncem kanan iʹa pa tai lenca tau. Ayen mawang ukoʹ Bali Jaʹat.

Cen diaʹ pekina, pet ne penyaheʹ kem iaʹ puʹun, iaʹ cuk ikem mudip dalem udip iaʹ puʹun are, moʹ penyaheʹ iaʹ puʹun iaʹ ngejaʹat udip kelunan kuʹun pengubaʹ a iaʹ pelingu ikem ina. Toʹ penawai hem ngan kimet cem, abeʹ e senteng are ke tai nuyan mading lan. Kanan ne penyaheʹ iaʹ mading, iaʹ ban nuyan bayaʹ diseʹ ban layen Allah, iaʹ ke luhaʹ dalem pengudip iaʹ teneng lan, iaʹ ina telit ngan buheʹ.

mentung ngkem nengayet petubo ban pebeka tawai iaʹ Berua Tuhan lepa naʹ mikem. Neng puyan udip iaʹ tadan le ikem tisen ban salet beka hem ina.

Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi. Ia uyan pekina moʹ o ke pedengkep mung nte diaʹ anun Allah, apan nte mencam pasat gayeng nge dalem nte ke pepo medeng usa Keristus. Idi mung le kuaʹ kuaʹ ketai pebeka ca le dalem pengelan, ngan dalem penisen le neng Anak Allah. Ketai le nuyan koʹ baʹan kelunan iaʹ sukung bioʹ udip de, pa le tai dapit saheʹ le pekuaʹ ngan anun Keristus.

Idi le abeʹ un ukoʹ baʹan anak iaʹ tai pebing mayo keluncat, ngan koʹ baʹan iaʹ tai payo moʹ o pekeliwa kuʹun bahiu, seleket katuk dulu diaʹ nai pelingu. Moʹ kuʹun aken jaʹat de, ida madut kelunan mayo neng iaʹ salaʹ. Di lareʹ ilu kanan isiu iaʹ telit lan dalem kimet le iaʹ malaʹ. Pekina ketai ca le usa le, dengkep dalem mung naʹan palaʹ Keristus iaʹ ulu ue.