Popular Bible Verses from MAṮṮA 25

Share

Dhali aMaliḵ ki thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin miina um a’di gom a’din ’deŋ kamu/ jin p̱isi’d mo ’peni ushi uni gwansan kun tana waḵ pem mo tani um miiki a’di gom aha/ mo be.

Dhali tap̱am piti ki o a’di gwo mo ki: Mba/ c̱a/. /E ta c̱iŋkina/ jin ’boro’d mo dhali jin ta isiŋ gana/ mo be. /E ta a’di jin ta isiŋ gana/ ap̱o/ ushi to kun gwa’dan mo. Aha/ mina kar /e ap̱owa ris to ki nyanye/ mo. Huri /e mo ’te/ ma e moŋ’kuny bwa gi tap̱am pini mo.

Haali/ aris uni ka ’deṯe/ ’deṯe/ kun ta gi to mo tani minu c̱i to ki nyanye/ mo dhali uni mini ta gi to kun mini ur ’kup̱ mo. Hili ’peni a’di jin dara’d mo tani hili a’di jin tana a’di mo tani minu bu’th ’peni a’di mo be.

Wakan timi mo mo ma haali/ um moli mo mo walla cim mo walla mo mo be.

Haali/ me’d jin ’kosha ṯe/ aha/ mo tani dhali um ki c̱i aha/ tonṯe/ mo. Dhali ki aha/ butha yi’de/ mo tani dhali um ki c̱i aha/ yi’de/ mmop̱i mo. Dhali ki aha/ yana ya yilkina/ mo tani dhali um hanki aha/ mo be.

Dhali tap̱am piti ki o a’di gwo mo ki: Mba/ c̱a/. /E ta c̱iŋkina/ jin ’boro’d mo dhali jin ta isiŋ gana/ mo. /E ta a’di jin ta isiŋ gana/ ap̱o/ ushi to kun gwa’dan mo. Aha/ mina kar /e ap̱owa ris to ki nyanye/ mo. Huri /e mo ’te/ ma e moŋ’kuny bwa gi tap̱am pini mo.

Dhali ki aha/ dina is ’te/ mo tani dhali um hi’thki aha/ burrinye/ i is mo. Dhali ki aha/ ’ba’thkina mo tani dhali um iiyini buṯi aha/ mo. Dhali ki aha/ dina eya sijin mo tani dhali um p̱u’dkini aha/ mo be.