Popular Bible Verses from MAṮṮA 26

Share

Timi mo mo ma, dhali ’thoyi mo ma, ki um mini ’taki ’koki cic̱ mo e mo jin palu mo, haali/ shi/in ka jiŋ gana/ mo tani a’di ona bwa mo, hili buŋgwar is a’di ihatha’ko’d ki ha’th mo be.

Dhali yan’ko’d a’di ki o uni gwo mo ki: Aḵashiram pem a’di diṯa bwa ki diṯ kagahara mo gom mowu mo. ’Koyi mmahan mo ma, dhali timi nyaḵki aha/ mo ma.

Dhali mmothoṯẖkina a’di ’peny’ce ari’ceenne/ mo tani a’di biṯki bwam/em piti a’cesh mo dhali ’tho mo ki: Ababam pem, waḵki/ a’di yan mishu mii mo tani dhalka ḵubbaaya yan ya’di pe aha/ mo ma. Bahili a’di jin oyaa/ bwa mo yisa. Hili a’di jin ta bwam pini mo be.

haali/ a’di yansan ita’da bas pem ki gwo jin gamu me’d mo, a’di jin wolki’d ka pije/ mo gom ’kwani ka ris mo gom mogwama gwam gom miinthus mo be.

Dhali me’d jin ’kokina uni mmoshwa tonṯe/ mo tani Yesus bu’thki maaŋḵuthu’d mo dhali ’bora ’bor bwa i is mo, dhali a’di ki ’ce’d a’di mo dhali c̱i a’di ki imanciḵ a’di gwo mo dhali o gwo mo ki: Buthi a’di mo ma, dhali ’kayi mo ma. A’di yansan ita buŋgwar is pem mo be.

Dhali a’di bu’thki’da ḵubbaaya mo dhali ki a’di c̱iki mom’bor bwa i is mo tani a’di ki c̱i a’di ki uni mo mmo/o gwo mo ki: P̱iyi a’di mo ma, aris umi ’baar mo

Dhali a’di p̱u’dki’d e imanciḵ a’di gwo mo dhali gam uni ki uni ishki e mo. Dhali a’di ki owa Buṯerus gwo mo ki: A/um bunya/ mini ’koki tim nyaḵki aha/ ka tente/ ’de/ mo?

Aha/ ṯora um gwo mo ki aha/ mina diki doḵ/e p̱i yiman maman cwa yansan ki sule/ ntaga tee jin miga/ p̱i a’di jin ta jin this nyaḵki um e Bampa/ ma Ababam pem jin di’d e momis mo be.

Dhala Buṯerus ka gwo ma Yesus e mo jin ona a’di a’di nṯwa/a/: Ka dhoŋgola ŋwa diki ko e mo naskina/ tani /e mini waṯ aha/ gway me’di kwara mo. Dhali a’di yaki’d ka pije/ mo dhali ko ki jabu’th ki ḵu’bu/ ḵu’bu/ mo be.

Cuyi mis mo ma. Dhalki ana iina mo. Hili, a’di jin ’ciṯẖki aha/ is ki gwo mo tani a’di p̱u’dki’d mo be.

Dhali yan’ko’d Yesus ki o a’di gwo mo ki: Dwari gandala turgam pini ka nyaŋ’ko’d e mom piti mo ma, haali/ aris uni gwansani ’baar mo kun ḵalki gandala turga/ mo tani minu ’ce’d sho’k ki gandala turga/ mo be.