Popular Bible Verses from MAṮṮA 14

Share

Hili ki a’di p̱arki ’tham e mo tani a’di ḵo/ki is mo dhali ṯelki mii ’pen mo mmocic̱ yi’de/ mo. A’di gwoki’d mo ki: Tap̱a, woṯẖi/ aha/ mo ma. Dhala Yesus ki jahanne/ a’di jidhirki me’d piti mo dhali bu’th a’di mo mmo/o a’di gwo mo ki: Ayy wathi/ jin gwa’da moŋgam gwo is ki gwa’d mo. Atinta shina /e bwa ’kup̱ kan mo?

Hili ki a’di p̱arki ’tham e mo tani a’di ḵo/ki is mo dhali ṯelki mii ’pen mo mmocic̱ yi’de/ mo. A’di gwoki’d mo ki: Tap̱a, woṯẖi/ aha/ mo ma.

Hili ki jahanne/ a’di ṯorki uni gwo mo mmo/o gwo mo ki: ’Bithi adu is mo ma. Aha/ tana a’di mo be. Dhalku/ is ki ḵo/ mo ma.

Dhala Buṯerus ki thoḵ a’di gwo mo ki: Tap̱a, waḵki/ /e ta a’di mo tani yuḵi aha/ mmoyaku/ i /e i’kuyi’de/ mo ma. A’di ki o a’di gwo mo ki: Yayu/ mo ma. Wakan Buṯerus cuki mis ’pena ḵur mo dhali ya ki sho’k e ’kuyi’de/ mo dhali p̱u’da Yesus mo.

Dhali uni gwansan kun ’kon e bwam ma ḵur mo tani luŋki a’di mo mmo/o gwo mo ki: Ka jiŋ gana/ /e ta Ya/ ma Arumgimis mo be.

Yesus ki o uni gwo mo ki: Uni mini mii ta gi bway mmo/ii bway pa mo yisa. Um mini c̱i uni tonṯe/ mmoshwa mo be. Uni ki thoḵ a’di gwo mo ki: Am tana gi jasi maaŋḵuthu’di mudhe’d mmahan mo dhali to yi’de/ isu/ mo be.

Dhali a’di ki o uni gwo mo ki: ’Doyi uni mmahani aha/ mo ma. Dhali yan’ko’d a’di ki ḵana waambuhany ’kwani gwo mo mmo’ko ’pena ’cesh ap̱owa sho mo. Dhali a’di ki bu’th maaŋḵuthu’di mudhe’d mo dhali to yi’de/ nsu/ mo tani a’di ki hil ’kup̱ ki ’ce’d a’di mo dhali a’di ki c̱i maaŋḵuthu’d ki imanciḵ a’di gwo mo dhali imanciḵ a’di gwo ki c̱iki uni ka waambuhany ’kwani mo be.

Dhali uni ’baar mo shwaki a’di mo dhali uni kap̱kunu mo. Dhali uni ’tu’dkina nura/ i’kume’d i’ce’dka su/ mo ki ’pisira/ maa kun ’ce’dkunu mo gun uri ’kup̱ mo be.