Popular Bible Verses from MAṮṮA 13

Share

Dhali gom gwo gi a’di jin yeḵu mo eya ’cesh jin ’bora’bor mo tani a’di yansan nta a’di jin ciḵ gwo mo dhali mish a’di ’ban mo dhali a’di ka jiŋ gana/ dhodhi maman mo be, dhali adho’th piti jin dhodha a’di eya tora ’de/ mo tani ta iss ’kwanimpa mmudhe’d mo dhali jaŋ kamu/ ki iss ’kwanimpa ikwara mo, dhali jaŋ kamu/ ki iss ’de/ i’ce’dka ’kume’d mo be.

Dhali wakan gom a’di jin yeḵu mo e bwam ma ’de/ mo tani a’di yansan ita a’di jin ciḵ gwo mo, dhali hili a’di bala to ga ’cesh is mo dhali ’penkap̱an piti jin tana a’di pa ki pa mo tani c̱okoṯ a’di mo dhali a’di mol dho’th maman mo be.

Ki a’din ’de/ yin jin ciḵki gwo gom Bampa/ ma Arumgimis mo dhali diki mish a’di ’ban mo tani a’din thus ’de/ yin p̱u’dki’d mo dhali kwany gwo jin sinu eya dum piti mo be. A’di yansan ta a’di jin yeḵu e bway tur jin iinu mo be.

Dhali me’d gom a’di jin yeḵu e embula ’cesh wosh mo tani a’di ta a’di jin ciḵki gwo mo dhali ki jahanne/ a’di ki la bu’th a’di ki bwaŋ ’kunyga/ mo, hili a’di dara’d ga birman e is piti mo hili a’di di’d ari’ceenne/ mo dhali ki monṯo’c bwa p̱u’dki’d mo walla ki moŋ’kosha ’kosh cuki’d mo gom gway gi gwo mo tani ki jahanne/ a’di biṯki’d mo be.

Bampa/ gi Momis mo a’di wana e ki to jin ish ḵumma/ jin bagu mo e bwam bunto mo, jin gama wathi/ mo dhali kum ’kup̱ mo. Yan’ko’d gom bwaŋ ’kunygam piti mo tani a’di ki ya mo dhali yol a’di ’baar mo, a’di jin tana a’di mo jin mina a’di yol bunto c̱aan mo be.

Aḵa’banya tiya uni biṯkin mo eya ’cesh jin ’boro’d mo dhali uni dho’th maman mo, jaŋ kamu/ dhotho’di iss ’kwanimpa ka mudhe’d mo dhali jaŋ kamu/ dhotho’di iss ’kwanimpa ka ’de/ i’ce’dka ’kume’d mo be.

Dhalki uni cani monṯal ’de/ mo ntagi bwam mondhe’d mo dhali bwam mondhe’d min ma teem piti ’baar mo jin minu ’ciṯẖ a’di to mo tani aha/ mina ṯor iman’ciṯẖ to gwo mo ki: ’Ciṯẖi/ to mo ma mmotul biriny is nṯwa/a/ mo dhali deḵ uni ki deḵken mo mmoc̱i’th mo hili tuli pos is mo e bwan themes pem mo ma.