Popular Bible Verses from MAṮṮA 15

Share

Hili to jin piyi’d mo ’peni ’twa/ wathi/ mo tani a’di yayi’d ’pena du mo dhali to yansan a’di ishi/ki wathi/ is mo be. Haali/ ’pena du mo tani gwonthus kun kulumu mbwa mo p̱u’dkin mo mmo’kosha mee mo dhali mmota c̱al mo dhali mmomii miinyc̱al mo dhali mmoḵwal to mo dhali mmo/o gwonthus ap̱o/ wathiŋ kamu/ mo dhali mmothutha thu’th ’pen mo be.

A’di diki ta to jin yaki ’twa/ wathi/ jin midi shi/ a’di mo hili a’di jin piyi’d ’peni ’twa/ wathi/ mo tani to yansan a’di ishi/ki wathi/ is mo be.

’Kwani gwansan taḵ aha/ ki ’twam buni mo tani hili adum buni si’dasi’d ’peni aha/ mo be. Uni luŋḵi aha/ ki p̱e’th mo be. Gwoŋḵan gi ’twaŋ ’kwani ṯora uni me’d gwoŋ gana/ mo be.

Yan’ko’d Yesus ki thoḵa yim gwo mo ki: Ayy, a’bom, dhan moŋgam gwo is pini caaca mo. Dhalki a’di miinu mo gom /e mo me’d jin dina a’di /e e bwa mo. Dhali ’bwa/m piti wac̱kunu hila/ mo be.

Hila yim p̱u’dki’d mo mmoc̱a’b ki jiŋ ’kup̱a’dup̱uni bwambori a’di mo mmo/o gwo mo ki: Tap̱a, woṯẖi/ aha/ mo ma. Dhali a’di ki thoḵ a’di gwo mo ki: A’di yisa ta mii jin ha me’d mo mmobu’th maaŋḵuthu’d ’peni uc̱i mo dhali ṯa’k a’di ka ’ka mo. Ayim thoḵ a’di gwo mo ki: Nye, Tap̱a, hili, a’ka uni mini shwa kuluny maa kun ṯa’kkin mo ’pena tharabeesa gi tap̱am buni mo be.