Popular Bible Verses from IBRANIYIIN 13

Share

Dhuyi moŋ’koki/em bum ki ’kus mo ’peni mo jin enuwa guurush mo dhali kap̱i um mo ki to jin tana um mo, haali/ a’di oki gwo mo ki: Aha/ mina diki ush me’d ki sule/ sule/ mo gom um mo walla aha/ mina diki dhal um ’pen mo be.

Yesus Ḵrisṯẖos ta a’di ma tili/ mo dhali ji gi shwane/ mo dhali gom ki sule/ sule/ mo, a’di jin diki war mo.

Wakan, ana mina kar dhan mo jin wuna ana a’di jwa i is mo mmo/o gwo mo ki: Tap̱a a’di ta’da Manwoṯẖ pem mo be. Dhali aha/ mina diki ta ḵo/is mo. Ki to gi wakata imina ’kwani mii aha/ mo?

Dhalku/ ki mii mii ma p̱inykin is mo mmomii mii kun ’boron mo dhali mmopwaḵ to bwa mo a’di jin tana um mo, haali/ ki to gi wakan kun ’ciṯẖuwa basa ’cesh mo tani a’di ’borki’da Arumgimis bwa mo be.

E a’di mo tani dhalki ana si’da/ ṯikira ’ko mo mmoc̱i mo jin miinuwa basa ’cesh mo mmomaŋa Arumgimis mo, a’di jin ta gwo mo kun mini pi ’peni ’twam bana kun ta maman mo ’peni mo jin nyiṯẖu/ gway piti mo be.

Dhalki mash jin mashu ki mash gana/ mo karu ki montaḵi bwaman umi ’baar mo dhali dhalki mo gi miinu miimash karu ki jiŋ ḵogu mo haali/ Arumgimis midi dwall gwo mo gom uni gun ha’k ’pen ’ceŋ gwaṯẖ mo dhali up̱ kun ta kumana ’ka mo dhali uni gun mii miinyc̱al mo.

Dhalku/ ki mii mii ma p̱inykin is mo mmoṯor mii jin minu ta gu’b bum ŋal mo goma ris yilkina/ mo, haali/ gom mii gi wakan mo tani kun tiya suski iman’doyu gwo gu’b buni mo ki mii jin molkina uni uni mo be.

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo mmoṯe um ka ris to kun ’boroni ’baar mo ki um mini mii bwam piti mo, mmo/umkina a’di e um mo a’di jin ’bor a’di bwa mo e bwambori jis/em piti mo, eya Yesus Ḵrisṯẖos mo, e a’di jin mina monyca icil ki sule/ sule/ mo dhali ki sule/ sule/ mo. Amen.