Popular Bible Verses from IBRANIYIIN 12

Share

Wakan, me’d jin ’kamkunu ana ki deḵ ka dhana raḵ gi iman/o gwo mo tani dhalki ana si’da/ ṯẖadha aris tom bana ’baar mo kun diṯadiṯ ka ’deṯe/ ’deṯe/ mo dhali miinthus kun tana junyu/ ki ana ki ’dish ’dish mo dhali dhalki ana sona ki bwa jin ’kuc̱u ki ’kari’th mo mmop̱ar sho’k mo gom to jin di’da bori ana mo be, mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

Gom ari mo mo tani arisa jisa kun c̱inu mmoyetha ye’th sho’k mo tani wana e ki jin ’koshu ka nyor mo, ma mmodhal bwaŋ ’kunyga/ e i is mo. Yan’ko’d mo tani a’di ki gwono’d maman gi mo ma ḵar/e mo jin ta mo ma ḵu’th is mo e uni gwansan kun ye’thkina a’di sho’k mo be.

Biriya bir mo gom moŋḵu’th is mo nyaḵka ris ’kwani ’baar mo dhali gom mo ma dhelel mo, a’di jin mola wathiŋ kamu/ p̱ar Tap̱a e ki sule/ mo ki dar gi a’di mo be.

Nyiṯẖi/ a’di mo, a’di jin ’dimki ’kup̱ mo ’peni imanmii miinthus mo kun ta ’kup̱ ki ’kup̱ ki a’di kan ap̱o/ a’di mo, wakan ki um mini ’koki ca mo e mo jin wunu is e mo walla eya dum bum jin mina buye/ i’thi mo.

Wakan mo, dhalki ana tana gi mo jin ’boruwa ’bor bwa i is mo gom mmobu’th ’peŋkuman bampa/ jin molu yiḵin is mo dhali wakan dhalki ana c̱ina Arumgimis mo jin luŋuwa luŋ mo jin mishu bu’th mo ki mo jin tuḵuwa tuḵ mo dhali ki moŋḵo/ is mo.

A’di ta’da jisa jin yedhu wathi/ sho’k mo jin mina umi mii ’dim ’kup̱i cine/ mo be. Arumgimis miiki um mo me’d iya/ mo. Haali/ ya/ jana ŋala/ di’d jin dina com ki c̱iya jisa mo?

Haali/ Arumgimis bana a’di shwa’d ki o’d ki bar bar mo be.

Haali/ uni c̱iki ana ajisa jin yedhu ana sho’k mo ki ari mo mo me’d jin ona bwa uni mo. Hili Arumgimis c̱iki ana ajisa jin yedhu ana sho’k mo gom mom’boro’d bana mo, ki ana mina pwaḵ mondhelel piti mo be.

E mom bum jin askina uma shir shir ap̱o/ miinthus mo tani um ’koki ro’c a’di naskina/ mo mmop̱u’d mo e shushan mii jin mina umi wola bas buma ’cesh mo be.