Popular Bible Verses from KULUSSI 3

Share

mmothona thon me’di ’ko’d ka rem ’kup̱ mo dhali, waḵki/ wathin ’deŋ kamu/ ta gi gwo walla/ ap̱owa kamuŋ kamu/ mo tani dhali adhal gi miinthus ’pen ka rem ’kup̱ mo ma. Me’d mii jin dhalkina Tap̱a uma mure/ miinthus bum ’pen mo tani um si’da/ mini mii dhalka mure/ miinthus ’pen mo.

Dhuyi adum bum gom to gun ’kon e momis mo, yisa gom to gun ’kon e mony’cesh mo.

Ma eya risa ṯu’c bum gunn kun miina um mo tani miiyi a’di ki bwaŋ gana/ mo me’d jin miina um Tap̱a to mo, dhali yisa gom ’kwaniya

Wakan, hithi ma mii gwansan mo, me’d uniŋ gana/ kun kwanykin ma Arumgimis mo, um kun dhelelkin mo dhali kun enu mo, mii gi wakansan mo kun ta mii kun ḵwojuwa ḵwo’c e i is mo dhali mii kun miinu ki bwaŋkush mo dhali mii gun dhunu is ki gwa’d mo dhali mii kun miinu ka ’thup̱ e mo dhali mii kun ’kuc̱u bwa ki ’kari’th mo

Dhalki gwo ma Ḵrisṯẖos c̱a’ba’d e um ki c̱a’b ’pempaŋ gana/ mo me’d mii jin ṯorkina um gwo mo dhali mmorogom gwo ka rem ’kup̱ mo ka ris moyuḵ mo, dhali me’d jin yuḵkina um gway mo mmoka mo jin miinuwa mii e mo dhali gway jin maŋuwa maŋ mo dhali gway jin yuḵu gom to gi shi/in mo ki mii jin ’boruwa ’bor bwa i is eya dum bum goma Arumgimis mo be. Dhali ma eya ris to gunn kun mina um imii mo tani e gwo gun ona um mo walla mii gun miina um mo tani miiyi aris to ’baar mo ki gway gi Tap̱a Yesus mo mmoc̱i mo jin ’boruwa ’bor bwa i is ka Arumgimis mo, a’di jin ta’da Baba e a’di mo be.

Dhali ap̱owa ris mii gwansani ’baar mo tani hithi mo/en mo, a’di jin deḵki’da ris to ’baar mo mmonṯal ’de/ mo ki ’bor gana/ mo ki dar gi mo ma dhadharmu’th mo.

Waḵki/ um ’deku mo nyaḵka Ḵrisṯẖos mo tani simmi mii e mo gom to gun ta ku gi momis mo, e mo jin din ma Ḵrisṯẖos mo, e mo jin c̱a’bkina a’di ka bim poros ma Arumgimis mo be.

Dhali dhalki moŋḵu’th is ma Ḵrisṯẖos bway mo mmojiya dum bum mo e a’di ka jiŋ gana/ jin yuḵkunu um mo e buŋgwar isa ’de/ mo, dhali mmoc̱i mo jin ’boruwa ’bor bwa i is mo.

Wakan, ’koshi mii ga ’cesh jwa mo kun ’kon e um mo, kun ta mo gun miinu miinyc̱al mo dhali mo gun ’dap̱u e mo dhali e kun dhunu ki ’thir ’thir mo dhali bwan thus kun pishu is mo dhali mo jin ’thoṯẖu/ bwa mo, a’di jin ta mii jin luŋu tomp̱inycon mo be.

Haali/ um wukin mo dhali moŋ’koki/em bum a’di bagkunu mo nyaḵka Ḵrisṯẖos eya Arumgimis mo be.

Hili shwane/ dhuyi uni ’baar mo ’pen ka pije/ mo, mii ma nyor mo, dhali anyor jin deḵki’da deḵ mo, dhali mii gun dup̱a dup̱i e mo dhali mo ma thu’th ’pen jin thudhu ka sor gun walu mo dhali gwo nyogga/ ’peni ’twam bum mo.

Dhalku/ ki ta aṯor ka rem ’kup̱ mo, mmomisha um ki um dhalki mii gi buyempan dhamo/ ’pen mo ki miim piti kun boṯkina um mo. Dhali um ki hi’th miim buyempan this mo, a’di jin uḵkunu mo doḵ/e e monyiṯẖa/ nyiṯẖ mo ’ko’di jamas gi a’di jin uḵki’da uḵ mo.

’Kwaniŋ gwas, eni up̱ bum mo ma, dhali dhalki uni ki ’cwar mo.

Uc̱iya, hayi gwo gi icim e mo dhali gwo gi ikwan e mo goma ris to ’baar mo, haali/ mii yansan mo tani a’di ki ’bor Tap̱a bwa mo.

Up̱ ’dap̱i ki me’d ki gwo gi ikaṯẖim bum mo me’d gwo jin ha me’d e Tap̱a mo.