Popular Bible Verses from Hpeu‸maˍ ve li‸ 10

Share

Mvuhˇ naw ma tcuh yaˇ suhˍ gʼaˇ teˇ gʼaˇ behˬ heh ma awˬ hkawˇ bvuhˬ la ve awˬ yanˇ awˬ hkʼaw lo, Gʼuiˬsha ve naˉ jaˇ ve awˬ ceuˬ, yawˇ ve awˬ ceˬ hpeh‸ ve tcuh kaˍ paˍ teˇ hpaˍ hta‸ ponˬ laˬ htaˇ yawˇ ha lehˬ ve bon hkawˇ hto piˇ taˍ ve hkʼe, biˇ la tuˬ yoˬ.

Oˇ htaˇ yawˇ hui ngaˬ hta‸ kʼoˆ laˇ ve, Chaw ceuˬ laiˉ ceuˬ awˬ lawn maˇ kʼoˆ, mvuhˇmiˬ laiˉ peˆ awˬ lawn maˇ kʼoˆ, tawˇ hkawˇ laiˉ ceuˬ awˬ lawn maˇ kʼoˆ, hkunˉ hawˉ hkanˇ laiˉ gʼaˇ awˬ lawn maˇ kʼoˆ, Gʼuiˬsha nawˬ hta‸ kʼoˆ tcuh ve hkʼe nawˬ gʼa kʼaw‸ kʼoˆ maˍ piˇ tuˬ yoˬ teh‸ kʼoˆ ve yoˬ.

Oˇ htaˇ, awˬ gʼaˇ uiˍ jaˇ ve awˬ kaˍ awˬ nu mvuhˇ naw ma tcuh yaˇ teˇ gʼaˇ moˬ hta‸ veu‸ deh leh mvuhˇ naw ma lo ya‸ la chehˇ ve hta‸ ngaˬ gʼa mawˬ ve yoˬ. Yawˇ ve oˉ kʼoˍ hkʼoˆ lo aˉlaˇmiˬshiˉjaw cawˬ ve yoˬ. Yawˇ ve mehˆ hpfuhˇ lehˬ, mvuhˇ nyi hta‸ shuˍ leh, yawˇ ve hkui sheh lehˬ, aˬ miˍ hkuiˉ daw hta‸ shuˍ ve yoˬ.

Hkʼe te leh, mvuhˇ naw ma tcuh yaˇ oˇ ve geh ngaˬ kʼai leh, Li‸ ehˉ oˇ ve ngaˬ hta‸ pe‸ laˇ-oˆ teh‸ kʼoˆ piˇ ve yoˬ. Yawˇ kʼoˆ ve, Yuˬ leh caˇ-oˆ. Nawˬ ve gʼoˇ peˬ awˬ hkʼaw lo hkʼaˇ jaˇ tuˬ yoˬ. Ya‸ hkʼaˇ, nawˬ ve maw‸ kʼaw awˬ hkʼaw lo pehˇ gʼuiˬ hkʼa shuˍ shuˍ mehˬ jaˇ tuˬ yoˬ teh‸, ngaˬ hta‸ kʼoˆ laˇ ve yoˬ. Oˇ htaˇ, li‸ ehˉ oˇ ve hta‸ mvuhˇ naw ma tcuh yaˇ ve la‸ sheh awˬ hkʼaw lo ngaˬ yuˬ leh caˇ ve yoˬ. Ngaˬ ve maw‸ kʼaw awˬ hkʼaw lo pehˇ gʼuiˬ hkʼa shuˍ shuˍ mehˬ jaˇ ve yoˬ. Ya‸ hkʼaˇ, li‸ oˇ ve hta‸ ngaˬ caˇ peuˬ hkʼaw‸ nawˉ, ngaˬ ve gʼoˇ peˬ awˬ hkʼaw lo hkʼaˇ la ve yoˬ.