Popular Bible Verses from Heˍbrehˇ li‸ 9

Share

Chi hkʼa shuˍ shuˍ Hkri‸ lehˬ, chaw maˇ maˇ ve venˇbaˆ hta‸ hkanˍ pfuhˇ tuˬ, teˇ pawˆ ceh tiˉ yawˇ awˬ to tanˇ piˇ ve hta‸ gʼa hkanˍ ve yoˬ. Yawˇ nyiˇ pawˆ teˇ pawˆ kʼaw‸ ya‸ la htaˇ, venˇbaˆ hta‸ maˇ caˉ da‸ ve awˬ hkʼaw lo ya‸ la leh, yawˇ hta‸ dawˇ law chehˇ ve chaw teˇ hpaˍ hta‸ yawˇ htaiˍ hkʼaw‸ piˇ tuˬ yoˬ.

Hkri‸ ve awˬ suhˍ lehˬ, nawˬ hui ve shiˍ puiˉ ve nyi ma awˬ hkʼaw lo suh taˍ ve kanˉ teˇ hpaˍ hta‸ tsuhˇ baˬ piˇ leh, te‸ chehˇ ve Gʼuiˬsha awˬ pon kanˉ te hpeh‸ tuˬ, chi a‸ kehˉ leuˉ leh hkʼaˬ ma te gʼa tuˬ le. Yawˇ lehˬ, co co taiˍ taiˍ te‸ chehˇ ve Awˬ ha hpu hta‸ cuˇ leh, awˬ kuiˉ awˬ haiˇ a ciˉ ka‸ maˇ cawˬ ve awˬ hkʼaw lo, yawˇ ve awˬ to Gʼuiˬ sha hta‸ tanˇ piˇ ve yoˬ.

Chaw yaˇ hui lehˬ, teˇ pawˆ ceh tiˉ suh leh, awˬ hkʼaw‸ nawˉ suhˉ jehˬ ve hta‸ gʼa hkanˍ ve yoˬ.

Awˬliˇtawˇhkawˇ piˇ taˍ ve hkʼa shuˍ shuˍ, aˬ laˬ hkʼe awˬ ceuˬ hkʼa peu-eˬ hta‸ awˬ suhˍ yuˬ leh tsuhˇ baˬ ve yoˬ. Awˬ suhˍ sheˆ ve teˇ ceuˬ maˇ cawˬ kʼo, venˇbaˆ hpehˇ ve teˇ ceuˬ ka‸ maˇ cawˬ.

Chi hta‸ pa taw, awˉ lawˉ peuˇ ve ka ti‸ shaˉ caˆ awˬ hawˉ lo te ya‸ ve teˇ hpaˍ hta‸ ponˬ piˇ tuˬ awˬ pon, Yeˍsuˆ hkanˍ suh peuˬ ve yoˬ. Hkʼe te leh, kuˬ yuˬ taˍ ve chaw teˇ hpaˍ lehˬ, Gʼuiˬsha yawˇ hui hta‸ piˇ tuˬ yoˬ teh‸ kʼoˆ taˍ ve co co taiˍ taiˍ ve awˬ shinˉ hta‸ gʼa tuˬ, Yeˍsuˆ lehˬ, ka ti‸ shaˉ caˆ awˬ suhˉ awˬ pon awˬ kaˍ te shehˍ hpaˇ hpeh‸ ve yoˬ.