Popular Bible Verses from Heˍbrehˇ li‸ 10

Share

Chaw teˇ hpaˍ hpaˍ teˇ geh hpawnˬ da‸ ve teˇ ceuˬ hta‸ baˬ taˉ peuˬ. Nawˬ hui oˇ hkʼe taˇ te. Ya‸ hkʼaˇ, awˬ nyi oˇ ve teˇ nyi gaˬ la paˇ neˇ ve hta‸ nawˬ hui shiˍ ve pa taw, leuˉ leh awˬ gʼaˇ piˇ da‸ chehˇ-oˆ.

Chi hkʼoˆ ka‸, teˇ gʼaˇ leh teˇ gʼaˇ ha‸ pehnˇ ve nyi ma cawˬ leh, da‸ ve kanˉ teˇ hpaˍ hta‸ te tuˬ, shu hta‸ dawˇ nyi leh awˬ gʼaˇ piˇ-a veuˬ.

Ngaˬ hui hkanˍ yuˬ taˍ ve dawˇ law ve teˇ ceuˬ hta‸ hiˆ hiˆ naˇ naˇ maˇ te leh, yeˬ chaweh vawˆ taˍ-a veuˬ. Awˬ lawn kʼo, ka ti‸ piˇ shehˍ hpaˇ lehˬ, ka ti‸ yeˬ ve yoˬ.

Gʼuiˬsha ve a loˍ hta‸ nawˬ hui te leh, yawˇ kʼoˆ taˍ ve hkʼe gʼa hpeh‸ tuˬ, yeunˇ hkanˍ puiˉ ve nyi ma hta‸ nawˬ hui loˍ ve yoˬ.

Hkʼe te leh, shiˍ puiˉ ve nyi ma awˬ hkʼaw lo cawˬ taˍ ve haiˬ ve awˬ ceuˬ teˇ hpaˍ mehˉ kʼai htaˇ hkʼa gaˬ, ngaˬ hui ve nyi ma hta‸ awˬ suhˍ hpeh‸ pfuhˍ laˇ leh da‸ kehˬ ve iˉ kaˆ hta‸ yehˇ leh ngaˬ hui ve awˬ to hta‸ tsuhˇ baˬ laˇ peuˬ ve pa taw, ngaˬ hui hkʼa biˇ yonˍ ve awˬ hkʼaw lo, awˬ tehˬ awˬ na nyi ma awˬ tawˬ hkʼa gaˬ yawˇ geh jiˆ lo‸-e veuˬ.

Hkʼe te leh, nawˬ hui nyi ma ha‸ hanˉ ve teˇ ceuˬ hta‸ taˇ baˬ taˉ. Awˬ lawn kʼo, oˇ ve hta‸ pa taw la‸ shawnˍ uiˍ ve teˇ ceuˬ hta‸ nawˬ hui gʼa tuˬ yoˬ.

Awˬ lawn kʼo, hteˇ ve cawˇ ve awˬ lawn hta‸ ngaˬ hui shiˍ leh ha‸ yuˬ peuˬ hkʼaw‸ nawˉ, a shu yawˇ ve a loˍ awˬ hkʼaˇ suh venˇbaˆ kʼaw‸ te ve kʼo, venˇbaˆ awˬ pon tanˇ tuˬ maˇ kʼaw‸ cawˬ. Ya‸ hkʼaˇ, kawˆ tuˬ uiˍ jaˇ ve suhˉ jehˬ ve teˇ ceuˬ hta‸ maˇ kʼoˆ, canˇ paˍ teˇ hpaˍ hta‸ nyi ma zuhˆ jaˇ ve awˬ hkʼaw lo aˬ miˍ tuˉ baˬ ve hta‸ maˇ kʼoˆ, law taˍ tuˬ ceh tiˉ cawˬ ve yoˬ.