Popular Bible Verses from 1 Yoˇhanˬ li‸ 3

Share

Ha‸ ve yaˇ teˇ hpaˍ-oˬ, maw‸ kʼaw ceh ha‸ ve teˇ ceuˬ taˇ te. Ya‸ hkʼaˇ, kanˉ te ve leh hteˇ ve cawˇ ve awˬ hkʼaw lo ha‸-o‸.

Hkri‸ lehˬ ngaˬ hui awˬ pon yawˇ ve a sha‸ tanˇ piˇ ve hta‸ pa taw, ha‸ pehnˇ ve teˇ ceuˬ hta‸ ngaˬ hui shiˍ ve yoˬ. Ngaˬ hui htawˇ, awˬ viˉ awˬ nyi teˇ hpaˍ awˬ pon ngaˬ hui ve a sha‸ hta‸ tanˇ piˇ cawˇ ve yoˬ.

Awˬ pa ngaˬ hui hta‸ hkʼaˬ ma ha‸ ve hta‸ dawˇ nyi-o. Ngaˬ hui hta‸ Gʼuiˬsha ve awˬ yaˇ awˬ duˬ teh‸ meh laˇ leh, ngaˬ hui lehˬ yawˇ ve awˬ yaˇ awˬ duˬ hpeh‸ tehˬ ve yoˬ. Hkʼe te leh, miˬguiˬ yaˇ yawˇ hta‸ maˇ shiˍ ve pa taw, ngaˬ hui hta‸ htawˇ yawˇ hui maˇ shiˍ.

Venˇbaˆ te ve chaw teˇ gʼaˇ lehˬ, neˇhaiˬ hta‸ caˉ da‸ ve yoˬ. Awˬ lawn kʼo, neˇhaiˬ lehˬ, awˬ hkuiˉ puiˍ htaˇ ka‸ venˇbaˆ te chehˇ ve yoˬ. Hkʼe te leh, neˇhaiˬ ve kanˉ teˇ hpaˍ hta‸ te luˬ tuˬ, Gʼuiˬsha ve Yaˇ hpu tawˆ la ve yoˬ.

Gʼuiˬsha ve awˬ yaˇ awˬ duˬ hkʼaˬ ve teˇ gʼaˇ maˇ kʼoˆ, venˇbaˆ maˇ te. Awˬ lawn kʼo, Gʼuiˬsha ve te‸ ve awˬ yawˇ teˇ ceuˬ yawˇ awˬ hkʼaw lo cawˬ taˍ leh, yawˇ Gʼuiˬsha geh paw la peuˬ ve pa taw, yawˇ venˇbaˆ te maˇ hpeh‸.

Chaw hkʼaˬ ve teˇ gʼaˇ maˇ kʼoˆ, chi miˬguiˬ ve hpu shi mawˇ jeˬ cawˬ leh, yawˇ ve awˬ viˉ awˬ nyi haˍ gʼawˇ ve hta‸ gʼa mawˬ htawˇ, ha kʼaˉ ve teˇ ceuˬ yawˇ awˬ hkʼaw lo maˇ cawˬ ve kʼo, Gʼuiˬsha ve ha‸ pehnˇ ve teˇ ceuˬ yawˇ awˬ hkʼaw lo hkʼaˬ hkʼe te cawˬ hpeh‸ tuˬ le.

Yawˇ piˇ taˍ ve tawˇ hkawˇ hta‸ na yuˬ leh te ve chaw teˇ gʼaˇ lehˬ, yawˇ awˬ hkʼaw lo chehˇ leh, yawˇ htawˇ chaw oˇ ve awˬ hkʼaw lo chehˇ ve yoˬ. Yawˇ ngaˬ hui hta‸ pe‸ laˇ ve Awˬ ha hpu hta‸ pa taw, yawˇ ngaˬ hui awˬ hkʼaw lo chehˇ ve yoˬ teh‸ ngaˬ hui gʼa shiˍ ve yoˬ.

Chi hta‸ pa taw, Gʼuiˬsha ve awˬ yaˇ awˬ duˬ leh neˇhaiˬ ve awˬ yaˇ awˬ duˬ teˇ hpaˍ hta‸ hkʼa tawˍ lehˆ fuiˍ da‸ pehˬ da‸ gʼa ve yoˬ. Hteˇ ve cawˇ ve hta‸ maˇ te ve chaw hkʼaˬ ve teˇ gʼaˇ maˇ kʼoˆ, Gʼuiˬsha hta‸ maˇ caˉ da‸. A shu yawˇ ve awˬ viˉ awˬ nyi hta‸ maˇ ha‸ ve chaw htawˇ, Gʼuiˬsha hta‸ maˇ caˉ da‸ ve yoˬ.

Ngaˬ hui teˇ gʼaˇ leh teˇ gʼaˇ gʼa ha‸ da‸ ve yoˬ teh‸ kʼoˆ taˍ ve tawˇ chi teˇ hkawˇ hta‸ awˬ hkuiˉ puiˍ htaˇ ka‸ nawˬ hui gʼa kaˇ taˍ peuˬ.

Awˬ viˉ awˬ nyi teˇ hpaˍ-oˬ, miˬguiˬ yaˇ nawˬ hui hta‸ canˇ ve kʼo, taˇ anˇ.