Popular Bible Verses from 1 Yoˇhanˬ li‸ 2

Share

Miˬguiˬ hta‸ maˇ kʼoˆ, miˬguiˬ hkʼoˆ cawˬ ve awˬ ceuˬ teˇ hpaˍ hta‸ maˇ kʼoˆ, taˇ ha‸ loˬ. Chaw teˇ gʼaˇ gʼaˇ miˬguiˬ hta‸ ha‸ ve kʼo, Awˬ pa Gʼuiˬsha hta‸ ha‸ ve teˇ ceuˬ yawˇ awˬ hkʼaw lo maˇ cawˬ. Awˬ lawn kʼo, miˬguiˬ hkʼoˆ cawˬ ve awˬ ceuˬ hkʼa peu-eˬ, awˬ suhˍ awˬ shaˍ a loˍ te gaˇ ve maˇ kʼoˆ, mehˆ shiˍ mawˬ leh heuˆ gaˇ ve maˇ kʼoˆ, hpu shi mawˇ jeˬ hta‸ pa taw nyi ma uiˍ ve maˇ kʼoˆ, Awˬ pa Gʼuiˬsha lo tawˆ la ve maˇ heˆ. Miˬguiˬ lo tawˆ la ve yoˬ.

Miˬguiˬ leh miˬguiˬ hta‸ caˉ da‸ ve sheˉ lai ve teˇ hpaˍ lehˬ, mehˉ kʼai chehˇ ve yoˬ. Ya‸ hkʼaˇ, Gʼuiˬsha ve a loˍ hta‸ te ve chaw teˇ gʼaˇ lehˬ, co co taiˍ taiˍ te‸ chehˇ tuˬ yoˬ.

Ngaˬ yawˇ awˬ hkʼaw lo chehˇ ve yoˬ teh‸ kʼoˆ ve chaw lehˬ, Yeˍsuˆ te ve hkʼe yawˇ htawˇ te cawˇ ve yoˬ.

Ngaˬ ha‸ ve yaˇ teˇ hpaˍ-oˬ, nawˬ hui venˇbaˆ maˇ gʼa te tuˬ awˬ lawn chi teˇ hpaˍ ngaˬ nawˬ hui hta‸ bvuh‸ laˇ ve yoˬ. Ya‸ hkʼaˇ, teˇ gʼaˇ gʼaˇ venˇbaˆ te ve kʼo, ngaˬ hui hta‸ ga laˇ shehˍ hpaˇ teˇ gʼaˇ lehˬ Awˬ pa geh chehˇ taˍ ve yoˬ. Yawˇ lehˬ, hteˇ ve cawˇ ve awˬ shehˍ hpaˇ Yeˍsuˆ Hkri‸ yoˬ.

Ngaˬ yawˇ hta‸ shiˍ ve yoˬ teh‸ chaw teˇ gʼaˇ gʼaˇ kʼoˆ ve htawˇ, yawˇ piˇ taˍ ve tawˇ hkawˇ hta‸ chaw oˇ ve teˇ gʼaˇ maˇ na yuˬ ve kʼo, yawˇ lehˬ chaw heˍ paˍ hpeh‸ leh, hteˇ ve cawˇ ve teˇ ceuˬ yawˇ awˬ hkʼaw lo maˇ cawˬ.

Ngaˬ hui lehˬ, yawˇ piˇ taˍ ve tawˇ hkawˇ hta‸ na yuˬ leh te ve kʼo, ngaˬ hui yawˇ hta‸ shiˍ ve yoˬ teh‸ hkʼa deh‸ deh‸ gʼa shiˍ ve yoˬ.

Awˬ gʼeuˆ awˬ hkʼaw lo ngaˬ chehˇ ve yoˬ teh‸ chaw teˇ gʼaˇ gʼaˇ kʼoˆ ve htawˇ, yawˇ ve awˬ viˉ awˬ nyi hta‸ canˇ chehˇ ve kʼo, yawˇ lehˬ chi beu‸ hkʼa gaˬ naˆ ho‸ ve awˬ hkʼaw lo chehˇ taˍ sheˍ ve yoˬ.

Heˍ shehˍ hpaˇ a shu le. Yeˍsuˆ lehˬ Hkri‸ maˇ heˆ teh‸ kʼoˆ ve gʼawˬ hkʼaˆ ve chaw teˇ gʼaˇ yoˬ maˇ heˆ laˇ. Awˬ pa leh Yaˇ hpu hta‸ gʼawˬ hkʼaˆ ve chaw teˇ gʼaˇ lehˬ, Hkri‸ ve canˇ paˍ lonˉ hpeh‸ ve yoˬ.

Yaˇ hpu hta‸ hkʼa chiˇ baˬ ve chaw lehˬ, Awˬ pa hta‸ maˇ caˉ da‸. Yaˇ hpu hta‸ ha‸ yuˬ leh hkanˍ yuˬ ve chaw teˇ gʼaˇ lehˬ, Awˬ pa hta‸ htawˇ caˉ da‸ ve yoˬ.