Popular Bible Verses from Mga Talinhaga 2

Share

Huli ta an KAGURANGNAN iyo an nagtatao nin kadonongan; siya an nagtutukdo nin pakaaram asin pakasabot.

Aki ko, akoon mo an gabos na itinukdo ko asin ingatan mo an mga pagboot ko. Paghinanyog sa kadonongan asin hingowahon mong masabotan iyan. Kun maghagad ka nin pakaaram asin makimaherak nin pakasabot, kun hanapon mo ini arog kan paghanap nin tawo sa plata asin hanapon iyan siring sa paghanap sa natatagong kayamanan— dangan masasabotan mo kun ano an pagkatakot sa KAGURANGNAN, asin maaaraman mo an kahulogan kan pakamidbid sa Dios.

Siya an nagtatabang asin nag-iingat sa mga matanos saka onestong mga tawo. Iniingatan niya an mga tawong marahay an pagtratar sa iba, asin binabantayan niya an mga maimbod saiya.

Huli ta an mga matanos iyo an mag-eerok sa dagang ini asin an mga tawong mayo nin digta an mabubuhay diyan. Alagad an mga tampalasan mawawara sa daga asin an mga madaya magagabot arog sa mga tinanom diyan.

Makakalikay ka sa maraot na babae na madagka saimo huli kan saiyang mahamis na mga tataramon, na bakong maimbod sa sadiri niyang agom, asin nakakalingaw kan saiyang banal na panuga.