Popular Bible Verses from Josue 6

Share

Tinaraman nin KAGURANGNAN si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”

Magmartsa ka asin an saimong mga soldados sa palibot kan Jerico sarong beses an aldaw sa laog nin anom na aldaw.

Mangengenot sa Kaban nin Tipan an pitong padi, na an lambang saro may darang trompeta. Sa ikapitong aldaw, mamartsa ka asin an saimong mga soldados nin pitong beses sa palibot kan syudad mantang pinapatanog kan mga padi an saindang mga trompeta.

Danay na serado asin may bantay an mga trangkahan nin Jerico tanganing dai makalaog an mga Israelita. Mayo nin nakakalaog o nakakaluwas sa syudad.

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin KAGURANGNAN an bilog na syudad!

Suloon nindo an gabos na yaon diyan bilang sarong atang sa KAGURANGNAN. An maraot na babae sanang si Rahab asin an mga kaibahan niya sa harong an bubuhayon nindo huli ta tinago niya an satong mga espiya.