Popular Bible Verses from Isaias 40

Share

Pinapakosog niya an mga nanluluya asin napapagal.

Manluluya maski an mga hoben pa; sa kapagalan, an mga hoben matutumba. Alagad an mga nagsasarig sa tabang nin KAGURANGNAN makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Dai nindo aram? Dai nindo nadangog? An KAGURANGNAN iyo an mayong kataposan na Dios; linalang niya an bilog na kinaban. Dai siya napapagal o nanluluya. Mayo nin siisay man na nakakasabot kan saiyang kaisipan.

Sarong tingog an nagkukurahaw, “Andama sa kalangtadan an dalan para sa KAGURANGNAN! Tanosa sa desyerto an sarong tinampo para sa satong Dios!

Iyo, naluluyos an mga doot asin nawawara an mga burak, alagad an tataramon nin satong Dios magdadanay sagkod lamang.”

Dangan mahahayag an kamurawayan nin KAGURANGNAN, asin mahihiling iyan kan gabos na katawohan. An KAGURANGNAN mismo an nagtaram kaini.

Tambonan an gabos na kababan; pantayon an gabos na kabubuldan asin kabukidan. Magigin patag an kabubuldan, asin magigin sarama an mga lugar na bakong sarama.

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Ginibo iyan kan nagtutukaw sa saiyang trono sa itaas kan daga asin lampas pa sa langit; an mga tawo sa daga arog na sana kasadit sa mga doron. Inunat niya an langit siring sa sarong kurtina, siring sa sarong eerokan na tolda.

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Sarong tingog an nagkukurahaw, “Ipahayag mo an sarong mensahe!” “Anong mensahe an ipapahayag ko?” an hapot ko. “Ipahayag mong an gabos na katawohan nakakaarog sa mga doot; dai sinda nahahaloy siring sa mga burak sa kadlagan. Naluluyos an mga doot asin nawawara an mga burak, kun sinusubol nin KAGURANGNAN an doros na naghuhuyop sa sainda. An tawo nakakaarog sa mga doot.

Nagdadangadang an KAGURANGNAN Dios asin mapangyari siyang maghahade, nagdadangadang na kaiba an mga tawong saiyang ilinigtas.

“Rangaha nindo an sakong banwaan,” an sinasabi kan satong Dios. “Rangaha nindo sinda!

Siisay na tawo an nakasukol kan katubigan sa paagi nin pagsaldok kaiyan sa saiyang palad o nakasukol kan langit sa paagi nin pagdupa kan saiyang kamot? May nakabugtak na daw kan daga kan kinaban sa sarong takadan, o nakatimbang kan kabukidan saka kabubuldan sa mga timbangan? Siisay an nakasabi sa KAGURANGNAN kan dapat niyang gibohon? Siisay an nakatukdo saiya o nakatao nin hatol? Siisay an dinolok nin Dios tanganing maaraman saka masabotan asin maadalan kun paano gibohon an anoman?