Popular Bible Verses from Eiféisigh 5

Share

Déanaigí aithris mar sin ar Dhia, mar a dhéanfadh a chlann a bhfuil grá aige dóibh, agus siúlaigí ar shlí an ghrá, de réir mar a bhí grá ag Críost dúinn, a thug é féin ar ár son mar thairscint chumhra agus mar íobairt do Dhia.

Féachaigí romhaibh mar sin sula dtugann sibh bhur gcéim, gan amaidí ná díth céille, ag breith ar an bhfaill agus ag baint a bhfuil ann aisti, ós laethanta oilc iad na laethanta seo.

Ná gabhaigí ar meisce i bhfíon, ó nach bhfuil ansin ach drabhlás; ach bígí do bhur líonadh féin leis an Spiorad, agus sailm agus duanta agus dánta diaga á gcanadh agaibh le chéile, ag seinm ceoil don Tiarna le croí maith mór, ag tabhairt buíochais go síor ar son gach aon ní in ainm ár dTiarna Íosa Críost do Dhia an tAthair.

Ná bígí amaideach, ach tuisceanach faoi thoil an Tiama.

A fheara pósta, bíodh grá agaibh do bhur mná, mar a bhí grá ag Críost don eaglais, a thug é féin ar a son

Bhí an t-am ann a raibh sibh in bhur ndor-chacht, atá in bhur solas anois sa Tiarna; siúlaigí mar sin mar a shiúlas clann an tsolais.

Bígí ag umhlú dá chéile as ómós do Chríost.

A mhná pósta, géilligí do bhur bhfir chéile mar a dhéanfadh sibh don Tiarna.

ach cibé scéal é, bíodh an grá ag gach fear agaibh dá bhean a bhíos aige dó féin, agus bíodh urraim ag gach bean dá fear féin.

“Dá bhrí sin tréigfidh fear a athair agus a mháthair le gabháil chuig a bhean, agus déanfar aon lánúin amháin den bheirt.”

Ná bíodh aon bhaint agaibh le hoibreacha neamhthorthúla an dorchadais, ach á dtaispeáint mar atá siad.