Popular Bible Verses from HINWƆ HI MITS YOHANA 5

Share

Hi wɛɛ hi ɛɛ hin-ɛɛn za sego: a anyɔ hi gbɛɛrumɔ, ga̧a̧m mɔ bɔ gi wɛɛ inisɛ mɔ tuutsin Bɛt doodɔ zulya̧ aakil du, mɔ riiri an mɔ loo ɗɛɛrwol bɔ, mɔ kaatir baan fa̧a̧sya wɔ. Dood wɔ mɔ za̧a̧sihi hi fu̧u̧ a dɔ̧ɔ̧t wɔ hi gi sɛw gedu, hi a ya̧a̧boon wɔ hi gi sɛw gedu, hi a dood waabil wɔ hi gi sɛw gedu, hi a waal wɔ hɛbtdi sɛw gedu.

hi ɛɛhin hi ya̧a̧ɓooti: a Tamwaa bɔ hi gbɛɛrige, riiri an gi dag tɛŋko, hi rɔɔsɛ, hi hinmɛɛk dubti, hi tɛŋk gbɔɔlɛ, hi ɗɔbsigi, hi gbɔlumsɛ, hi banti.

Mɔ wɛɛnihi Bɛt wáát doodɛ hi Bɛtmaak wookyaadɛ an hi woos Bɛt woosɔ, hi wɛɛ waar ɛ a hɛbtdi.

Mi wɛɛ mi lag hinwɔ Bɛt ki̧hi a bɛtha sɛw, hi a hɛbtdi, hi a fɛ̧ɛ̧sdisɛ, hi a mɛmbal wɔ du, hi hinwɔ hi gi duge sɛw hi hin-ɛɛko: a banti, ɗɔbsigi, hi gbɔlumsɛ hi tɛŋk gbɔɔlɛ hi gi a za̧a̧nyɔ ɗɔɔt a waar ums ɗɔɔtillɛl bɔ hage hi Tamwaa bɔ ge wɛlɛ hi wɛlɛ!

Ɗɛntɛ wɔ zaaya̧ gbunu raami: a bɔmɔ kaa! Yɛrɛ Yahuda dɔ̧ɔ̧tɔ naamnɔɔ bɔ Dawda ruutumɔ ɗɛɛ lɛlɛ, dag tɛŋk an gi kaatir ba̧a̧n fa̧a̧sya nɔɔn-er wɔ gi pid ɗɛɛrwol bɔ.