Popular Bible Verses from HINWƆ HI MITS YOHANA 20

Share

Za̧a̧nyɔ hi tɛb nuŋgɔ hi zɛ̄m bi̧i̧y nɛ a za̧a̧tig ɗɛɛrwol bɔ gedu gɛ hi gbalig a laazɛŋk fɛɛt bɔ gedu.

Kuudu mi wɛɛ mi gbɛn wɔrkɛ wɔ, dood nabl wɔ hi dood tɔs wɔ sɛw hi er a waar ums ɗɔɔtillɛl bɔ gi muutdu. Ɗɛɛrwol kittɔnɔ hi gboora. Ɗɛɛrwol zaa dɔɔm wɛɛ gboora, ɗɛɛrwol za̧a̧tigya bɔ giya. Hi gbaas wɔrkɛ wɔ dɔglɛ anyɔ woosya̧ fɔbɔ an hinyɔ hi bi̧i̧ nɛ a ɗɛɛrwol wɔ gedu.

Dood wɔ mɛmbal gbɔɔl gbɔ̧hi, wɛɛ wɛnzihi. Wɔrko hi wɔrkɛ ɗɔɔtillɛl bɔ hi wɛɛ hi wɛnz wɔrkɛ wɔ hi gihi nɛ gbaako. Dood sɛw hi gbaasihi dɔglɛ anyɔ woosya̧ fɔbɔ. Yɔ anbɔ, hi gbal wɔrko hi wɔrkɛ ɗɔɔtillɛl bɔ a laazɛŋk fɛɛt ha̧a̧l bɔ gedu. Laazɛŋk fɛɛt ha̧a̧l bɔ giigi wɔrk eesimɛ.

Mi wɛɛ mi gbɛn waar ums ɗɔɔtillɛl buu gbɔɔlɛ hi za̧a̧n bɔ ɗɔɔt hage. Hɛbtdi hi bɛtha sɛw hi nɔ̀ɔ̀ gi muutdu, yɔ kuudu lɛlya̧ taa ma.

Wɛl duk gbun gɔ gi da̧a̧ hi tuus Saydanu gɔ gi luknɔ du, gi wɛɛ gi maat dood hɛbtyaadɛ sɔmsɔm a waal yoogil lɛl nas wɔ hi du sɛw, raakɔ a Gog hi Maagog lɛlɔge an gi mɔksihi hi gɔ nɔko; kitigya̧ gi an hɔ̧ɔ̧l a mɛmbal gbɔɔl ya̧di.